› 選擇地區
三藩市
紐約
洛杉磯
其他美國地區
香港 台灣 北美
 
2013年11月29日

谷胸露腰秒殺機迷
港視雙嬌夾贏DaDa

陳靜(DaDa)、黃美棋和黃芷晴昨日在九龍灣出席「GT6極速飄移啟動禮」,PlayStation原本邀請高海寧做嘉賓,但因無綫封殺壹傳媒,令大會卻步。漁人得利的DaDa被司儀封做「賽車女神」,但密密實實的裝扮,被「港視孖妹」美棋BB和芷晴一個露腰、一個騷胸搶鏡,秒殺現場機迷狂拍不停,美棋BB坐上賽車遊戲機時,更因為裙太短失守走光,露出打底褲,相反芷晴就好精咁用手按住條裙。

唔介意執二攤

美棋BB直認封殺事件對無綫藝人有影響,她說:「封殺令主辦機構有咁改變,我都擔心其他活動有咁嘅情況,某程度對佢哋藝人有影響,寧願唔用佢哋啲人。」芷晴說:「我希望百花齊放,件事快啲平息。」問是否工作增加?芷晴說:「我都係前兩日先收到通知,好珍惜每個工作機會。唔方便評論,可能因發唔到牌,令客戶多咗關注我哋(港視),所以多嘢做咗。」芷晴透露聖誕節會隨父親黃日華首次返深圳出席商演活動,美棋BB打算去姜麗文家開派對。

DaDa直言前日才收到通知接了這次工作,揚言不介意,她說:「有錢搵OK。」她透露復出後正斟洽拍一部喜劇及一部警匪片,問可擔心錢國偉不再用她?DaDa說:「有好多唔同機會,最重要自己做好啲,希望業界信任我。賠償問題就交畀公司同律師處理。」PlayStation公關總經理陳慧恩表示有關注壹傳媒被封殺事件,直認臨時換人,她解釋:「上周五傾過一次,落實係周一。」問將來可會減少找無綫藝人工作?她說:「視乎情況,會留意事態發展,作為客戶希望盡快平息。」
採訪:溫敏芝
攝影:仇志德

足本收睇《亂噏24》x 謝安琪;肥螳螂王晶接力上場!
周一至周五約定你《亂噏24》: http://bit.ly/appletalk24

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載