蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年12月07日
馬上成為壹會員

馬賽喊爆出「櫃」之騙中傳奇

昨身在日本的Laura不屑馬賽所為,提供馬賽母女與汪子琦遊世界的相片,還有汪子琦花在馬賽身上的銀行支出,包括家用(約13萬人民幣,下同)、卡地亞戒指(約2萬)、Chanel手錶(約8萬)、珠寶首飾(約16萬)及機票等證據,力證兩母女都是大話精。對於馬賽施喊功挽形象,Laura接受電話訪問時說:「佢好耐冇拍劇,扮嘢騷吓演技博同情,佢就係一隻狐狸,我唔會俾佢再呃,一定要撕爛佢呢層面具,聽講佢有最佳女配角提名,佢啲戲真係幾好,佢係好恐怖女人。」她估計汪子琦共花約200萬在馬賽身上。
問到是否覺得母女檔呃人?Laura說:「直情係啦!佢哋同汪子琦一齊出埠,啲相證明到媽咪幫佢哋影,佢媽咪都笑得好開心,默認個女搶人男友,兩母女根本喺度做戲,使乜接受訪問同媽咪道歉,喺屋企道歉咪得囉!佢唔認係第三者,硬搶人男友扮真愛,真係好cheap,以為自己真係女神,地球圍住佢轉。」

相關新聞:馬賽又借屋企博同情

毛玉萍勸帶眼識人

問到覺得馬賽人格如何?Laura冷笑說:「人格?佢冇人格,佢以勝利者姿態飛上海箝住汪子琦去遊山玩水,𠵱家又出嚟講乜承受壓力、抑鬱,抑鬱都可以咁風騷,我諗全世界死,佢都唔會死住。」對於馬賽稱被出賣,她激動地說:「好想知邊個出賣邊個,佢為私慾金錢工作機會出賣我,爭我條仔,真係好搞笑!」對於汪子琦在微博跟她道歉,兩人會否復合?她嘆氣說:「可以釋懷,但唔會再一齊,因為有傷害,希望再見係朋友。」
對於表妹汪子琦人財兩空,毛玉萍受訪時說:「表妹啲嘢唔想理咁多,不過早排見佢真係好唔開心,我只係希望佢帶眼識人。」而馬賽的過氣緋聞男友吳卓羲昨日現身時說:「呢啲新聞好快過去,香港人好健忘。」
採訪:皓騫

全民起義,網民話事!
立即登入萬千星虧頒獎禮投票網,投下心目中最虧之選。
http://campaign.appledaily.com/tvawards2013

相關新聞:馬賽喊爆出「櫃」之 時間證明攣情

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載