蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年12月11日

霆鋒滋潤壯膽
JM真空晒V

近日新聞多多的文詠珊(Janice Man),昨日與張學友、張家輝、余文樂、韓星池珍熙及崔始源等,在澳門出席新戲《赤盜》記者會,她被指經謝婷婷搭路,跟謝霆鋒撻着玩秘戀,日前在朋友生日飯局上JM更餵霆鋒食飯,態度親暱戀情浮面。

紙碎撲胸殺風景

問JM是否與霆鋒拍拖,她說:「冇,我係單身。當日飯局係因大家共同朋友生日,冇乜餵食。」但問到與霆鋒相識多久,JM卻不願回答:「唔講,唔想炒作太多。」是否怕激怒霆鋒前妻張栢芝?她說:「唔關任何人事。」
再問是否很熟絡的朋友,有沒有發展機會?JM即無厘頭笑到四萬咁口:「都係朋友,我冇諗,目前都係做嘢順其自然。」談到霆鋒回應緋聞時大方認雙方是朋友,JM聞言說:「咁係事實,係好朋友,佢講事實啫。」在《赤盜》一片中JM不乏動作鏡頭,有否請教霆鋒時,JM指劇組有很多導師指導。而JM昨日以火紅西裝套裝真空上陣,大低V展現微波身材,但當現場放紙炮時有塊紙碎飛到JM胸口,大殺風景。

學友自言輩份高

學友表示接此戲是因為可以跟家輝合作,大部份動作鏡頭由家輝上陣,學友笑說:「唔係我要求,可能見我輩份同年紀,安排我嘆啲同舒服啲。」學友未知會否唱主題曲,也不知會否跟家輝合唱,學友笑說:「佢想唱,我可以幫吓佢。」新婚不久的張震表示婚後生活沒有大改變:「有空才做其他事。」是否指造人?他直言:「是呀,否則沒有其他東西做。」
此外,有傳聞指JM上月出席I.T 25周年派對時,因飲醉弄濕同場周汶錡的靚衫,昨日周汶錡否認有此事。
採訪:張俊銘
攝影:陳俊強


全民起義,網民話事!
立即登入萬千星虧頒獎禮投票網,投下心目中最虧之選。
http://campaign.appledaily.com/tvawards2013

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載