› 選擇地區
三藩市
紐約
洛杉磯
其他美國地區
香港 台灣 北美
 
2013年12月17日

羅貫峰轉營小炒王 
等王維基發落

港視未獲發牌,未滿約的羅貫峰要另覓出路。

香港電視發不到牌,香港人百感交集,香港電視藝員悲從中來,但這並不代表天要塌下來。也許積極面對,闢路求生,才能勇敢生存。港視藝人羅貫峰暫時棄影從商,全情投入大牌檔式小炒王酒家生意,成功為家人開闢一條新生路。

做節目取經

已婚並育有一個兩歲大女兒的羅貫峰,2012年簽約香港電視到2015年滿約,香港電視未獲發牌,還未滿約的羅貫峰沒劇可拍,雖未至手停口停,作為一家之主的他必先另作打算。07年開始,羅貫峰開酒吧學做生意,近年開始做飲食及開酒家。
羅貫峰昨日在深水埗店中說:「其實我一早已經鋪排好後路,等自己唔使靠晒藝員方面嘅收入,有呢啲風浪發生,對我嚟講興趣同理想都係有一個打擊,好在我有其他生意可以做,好似呢間小炒店,同埋BBQ酒吧,𠵱家都可以支持我嘅生活。」
轉型成功,羅貫峰謂全賴以往常擔任飲食節目主持,他說:「因為我接觸好多食知識,我好鍾意食大牌檔,不過坐得唔舒服,所以好想搞一間好似呢度有小炒大牌檔風味、但可以坐得舒服嘅酒家。」

最想再開劇

做生意可以維生,興趣始終是做戲,羅貫峰只可以等待王維基的新計劃,他說:「發唔到牌係在於HKTV個商業登記發唔到個牌,唔代表王生個發展係停止,佢都有其他plan B、plan C,大家作為佢旗下員工同藝人咪等待佢發展。不過,更希望未來新電視台會拍劇。」
採訪:楊潔雯
攝影:陳志嵐


逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載