› 選擇地區
三藩市
紐約
洛杉磯
其他美國地區
香港 台灣 北美
 
2013年12月17日

馮仁昭四圍超:
君如讚王菀之出色小雞 - 馮仁昭

吳君如、王菀之、張家輝、梁家輝同陳奕迅等噚日喺尖東拍賀歲片《金雞SSS》結局戲,現場仲搭建咗「大富豪」夜總會場景,吸引唔少市民圍觀。着低胸裙露事業線嘅「金雞」君如,講笑話去咗韓國整咗個38G上圍。
對於王菀之做君如接班人飾演「小雞」,君如對佢讚不絕口:「佢係攝緊位上嘅出色嘅雞,佢好有潛質做喜劇,畀咗好多位佢發揮。」王菀之好幽默咁話:「我天生就係一個笑話。」君如爆王菀之同鄭中基有場打車輪戲,但拍攝當日王菀之心情好忐忑,面都紅晒,但君如就賣關子叫入戲院睇。

Eason做蠱惑仔

Eason喺片中扮專走水貨、炒飛嘅蠱惑仔,為迎接剛出冊嘅脫節江湖大佬張家輝「哥頓哥」會有唔少內心戲,Eason話:「我呢個蠱惑仔唔係打打殺殺,係支持政府,收咗錢要搞……」梁家輝搶住講:「所以我哋三個可以坐埋一齊,佢係更生人士,我係為人民發聲。」天氣凍又落雨,着得性感嘅君如凍到聲都沙晒,張家輝講笑咁話:「佢早兩日病咗,但又要拍,噚日吹到得番半條命,冇辦法啦,自己出錢拍係要咁,唔係點呀!」得到一班老友相助,君如話感激流涕:「唔知講乜,唔只講多謝,我預咗要還。」此外,張家輝對於失落亞太影帝,佢話一啲都冇介懷。
撰文:馮仁昭


逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載