› 選擇地區
三藩市
紐約
洛杉磯
其他美國地區
香港 台灣 北美
 
2013年12月17日

阿倫收路姆西轉贈克勤仔

一連十三場的譚詠麟和李克勤「左麟右李10周年——香港有聲音演唱會」前晚圓滿結束,一丟成名、風頭一時無兩的公仔路姆西,成為演唱會的話題,克勤笑說:「最近我個大仔成日問啲我唔識答嘅問題,佢問乜嘢叫『路姆西』,我聽完滴晒汗,唔知點答,淨係叫佢讀呢幾個字嘅時候,要字正腔圓。」阿倫說:「最近連雞蛋都識飛,如果預感自己有事發生,記住唔好着得咁靚,費事出事!」更有現場觀眾送路姆西給阿倫。

想開子夜場

克勤應阿倫要求重唱為他而寫的歌曲,阿倫感動地說:「我唔知仲有冇機會再聽,可以同克勤合作,除咗係榮幸,仲係享受!」演唱會超時十幾分鐘才完騷。騷後阿倫對今次日、夜場的安排說:「幾好呀,如果有埋子夜場仲好,可惜唔畀,都唔係好辛苦箒。」克勤說:「好耐冇做日場,初初都擔心應付唔到,原來都可以應付。」笑稱他們兩人很緊貼潮流,克勤稱即使開騷,每天都看新聞。問如何處置炒賣中的路姆西?阿倫說:「係咩?炒緊嘅咩?咁咪送畀克勤個仔。」

有指阿倫在英國買豪宅送給紅顏知己Wendy,阿倫說:「家事一向唔講,不過今次都收斂咗(報道),就算買都係應該,但唔係事實!家產呢啲嘢我有分數,使乜佢同我擺佈!」
採訪:胡比
攝影:陳順禎

戲裡戲外,話題最強,立即收睇《動戲場》:
http://hk.movies.nextmedia.com/extra/list/

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載