› 選擇地區
三藩市
紐約
洛杉磯
其他美國地區
香港 台灣 北美
 
2013年12月20日

與祖兒冷戰
劉浩龍悶蒲

【中環歌賦街】劉浩龍(師兄)同容祖兒拍拖之後,不時俾人影到孖住出巡,但最近唔知係咪祖兒忙綵排演唱會,冷落咗師兄呢,上星期四(12日)夜晚8點幾,師兄單拖去中環歌賦街,捧好友潘世亨(Kevin)同友人合資嘅精品店WOAW開張,到賀嘅仲有徐濠縈、鄭希怡(Yumiko)夫婦、曾國祥、吳嘉龍、陳自強同男伴等。

要求注資被阻

呢晚師兄表現得好落寞,店舖8點半舞龍舞獅賀開張,大家都聚喺街頭睇,但就唔見師兄湊熱鬧,反而儀式完咗後,先見佢行出露台煲煙,個樣有啲悶悶不樂,Yumiko同老公Andy都陪師兄煲煙吹水,似乎幫佢解悶。
有傳最近祖兒同師兄冷戰,事關師兄早排升呢做老闆同范振鋒夾份開日本料理,不過聽聞舖頭生意麻麻,師兄想祖兒注資60萬,但遭容媽媽阻止,祖兒同師兄為錢拗撬,仲唔聽師兄電話㖭。
另外,同場嘅曾國祥喺開張儀式後快閃,佢行去九如坊攞車不時回頭望,警覺性好高,原來有個女仔一早企喺佢架車旁邊等候。

曾國祥會女伴

曾國祥發現記者即時呆咗,問呢位係咪新女友?佢就例牌否認:「唔係,朋友啫。」
採訪:陳辰、楊浩賢

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載