蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年01月02日
馬上成為壹會員

阿詩認失調 自嘲陰陽人

何韻詩、關淑怡(Shirley)、現屬自由身的鄭欣宜和星煥約滿的組合Super Girls等,前晚到銅鑼灣出席時代廣場全港甜爆倒數迎2014活動,阿詩壓軸出場與現場市民一同迎接新一年。問到新年願望,阿詩笑說:「去年有好多工作都完成咗,今年可能生仔。」她隨後才正經表示想多些拍戲的機會。

想在台灣買樓

阿詩又指自己由內至外改變不少:「好似兩個人,由內至外個人柔弱咗,冇咁硬淨,半年前做舞台劇,腰痛,醫師話我因為陰陽失調,可能我巡演舞台劇做男性角色,搞到自己成為陰陽人。」是否已找到人為她平衡一下?阿詩心情大靚毫不抗拒:「你咁講咁寫都冇法子。」是否同性密友鄧九雲為她調和?阿詩坦言各樣都有。
密友有否來港一起過除夕?阿詩又扮儍稱有很多密友,最後她才透露鄧九雲沒有來港。完成舞台劇兩人又要分隔港台兩地,阿詩直言:「其實台灣係我半個家,我都想喺當地置業,不過好難決定。」是否不知應該是她還是鄧九雲搬離屋企,故才難決定?阿詩謂:「唔係,只係香港啲樓好貴。」

欣宜去向未明

欣宜和新男友度過首個除夕,但她工作為先未有一同慶祝。目前自由身的欣宜被問到去向,她表示:「姨媽姨丈返咗嚟幫我諗,再加埋陳太(陳淑芬)幫吓眼,不過由家人決定,唔想矛頭成日指向陳太。」爹哋鄭少秋有否給意見?欣宜表示跟秋官很少談工作,但他支持自己決定。而Super Girls表示經理人公司為她們斟新唱片公司,強調不會解散。
採訪、攝影:馬建華


逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載