› 選擇地區
三藩市
紐約
洛杉磯
其他美國地區
香港 台灣 北美
 
2014年01月04日

甄子丹狂呻 屈膝瞪眼攰到死

甄子丹與導演鄭保瑞昨日於apm商場為電影《西遊記之大鬧天宮》出席預告片揭幕儀式,司儀於台上問到拍攝情況時,連「宇宙最強」的子丹也叫苦連天,更明言不會再拍《西遊記》系列,片中飾演孫悟空的子丹在台上表示:「好辛苦!我成套戲淨係特技化妝都用咗一千個鐘頭,每日五個鐘坐喺度好大壓力似坐監,塊面黐晒毛同戴咗馬騮牙又食唔到嘢。」司儀問他會否再拍?他謂:「最好唔好,太辛苦,雖然演員辛苦係應該,但呢次體力同身心折磨太大。」

傳去年勁賺兩億

子丹事後接受訪問,記者問他是否真的不會再拍《西遊記》?他態度軟化的表示:「Never say never,不過真係唔太想,心力交瘁有恐懼感,將來睇緣份。」子丹續表示在片中因要做出孫悟空的𤠣子神態所以要經常屈膝及瞪大雙眼:「真係攰到想死!」有報道指他在剛過去的2013年勁賺兩億幾,比起出名吸金王的古天樂更多,他回應時只表示:「古仔多過我,大家唔好關注數字,關注我努力好過啦!稅應交就交。」另外,於預告片中看到電影CG特技甚為厲害,天宮拍得美輪美奐,拍得住荷李活級的《雷神奇俠》,而子丹戲中的「吹毛成兵」、「牛魔王」郭富城的「魔牛怒變」及「玉帝」周潤發的「神龍震吼」亦非常吸引!
採訪:溫敏芝
攝影:陳順禎

足本收睇《亂噏24》x鄭秀文@杜琪峯; 再有卓韻芝!
周一至周五《亂噏24》約定你: http://bit.ly/appletalk24

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載