› 選擇地區
三藩市
紐約
洛杉磯
其他美國地區
香港 台灣 北美
 
2014年01月07日

謝賢彈無綫
孤寒刻薄

謝賢(四哥)日前接受nowTV節目《Vinci's Code》王賢誌的訪問,談到早前他拍攝無綫《三個小生去旅行》,原來背後他有很多投訴,四哥直言:「TVB不嬲都孤寒,每次都要我倒貼,只係咁啱我都想去西班牙先應承佢哋咋。」他自爆拍攝全程14日,認真的他就自備14套靚衫和8對靚鞋以備出鏡之用,四哥足足帶了兩大箱行李,辛苦之餘他直言覺得蝕大本,不過他最介懷的卻是另一件事:「日日朝早八點起身就係咁拍冇停過,一拍就拍到夜晚,真係離晒譜。」

霆鋒送車

四哥更笑言全靠他一段幕後爆粗的片段在網上瘋傳,才幫助收視,他更自嘲今次是鹹魚翻生。為何不出席他們的頒獎禮?四哥反問:「人哋台嘅頒獎禮我去嚟做咩?我又唔係deep V人,唔應該參加呢啲嘢。」他坦言拍這節目最開心是和好友胡楓(修哥)合作。
修哥兒孫滿堂,四哥坦言沒羨慕:「當然我都有寂寞嘅時候,又擔心自己『嗰頭近』,但我𠵱家都冇乜追求,亦唔會講退休,總之鍾意就做吓囉。」會否和霆鋒及婷婷一起旅行?四哥說:「霆鋒請我去旅行,我就有時間陪佢,但調返轉我請佢去旅行,佢就唔得閒。」
四哥透露霆鋒曾送靚車給他,但四哥笑說:「佢送咗架車畀我半年,都唔知我冇錢入油,我荷包同名車唔相稱,我又唔夠力開車門,要司機幫手,人哋以為我作狀就唔好啦。」
撰文:唐寶妮

戲裡戲外,話題最強,立即收睇《動戲場》:
http://hk.movies.nextmedia.com/extra/list/

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載