› 選擇地區
三藩市
紐約
洛杉磯
其他美國地區
香港 台灣 北美
 
2014年01月08日

【六叔逝世】向太讚做生意快狠準
發哥悼六叔:冇佢就冇我

無綫電視榮譽主席邵逸夫爵士於昨晨去世,享年107歲。無綫昨日公佈,六叔於昨晨6時55分在家人陪伴下於家中離世。演藝界對這位影視業巨人離開,紛紛感到惋惜和傷痛。分別曾效力無綫及邵氏的周潤發、劉德華、劉嘉玲、鍾楚紅、鄭裕玲、王晶和何守信等,都讚揚六叔對香港影視業貢獻良多。發哥昨哀痛說:「冇佢就唔會有我!」至於與六叔私交不錯的向華強太太陳嵐,讚揚這位長者是大慈善家,做生意快狠準,永遠可以低買高賣。

相關新聞:法拉:佢好親切幽默

邵逸夫一生與電影和電視企業結下不解緣,為推進香港影視業發展作出很大貢獻,107歲的他昨晨離世,無綫藝訓班出身的周潤發、劉德華和劉嘉玲昨日都對這位地位崇高的長者離世感到惋惜。
發哥昨日接受電話訪問說:「希望六嬸方逸華可以節哀,我要感激六叔為TVB培訓咗咁多人才出嚟,講真冇佢就唔會有我。六叔好勤力,成日返公司開會,對後輩好照顧,有次我同佢一齊去外國參加影展,佢會主動走埋嚟同我傾偈,人好好,希望佢一路好走。」五虎將之一的劉德華昨日透過助手表示:「永遠懷念,一路好走。」以悼念六叔。

嘉玲寧波話陪睇戲

劉嘉玲昨日現身中環置地廣場,她對六叔離世表示哀悼,她說:「我喺無綫嘅歲月,喺港姐、台慶等大型活動見到六叔,亦試過被邀請去六叔嘅私人影院睇戲,佢用一口寧波話同我哋傾偈。佢畀我感覺係一個慈祥嘅長者。以前只係知道佢對電影電視有好大貢獻,今日睇新聞先知佢捐咗45億做慈善,真係大慈善家。」
甄珍與中國星老闆向華強太太陳嵐與六叔夫婦交情不俗,昨日向太表示:「今朝知道呢個消息,真係好難過,六叔係一位好慈祥長者,雖說佢已經107歲,但始終會唔捨得。」問向太有沒有致電慰問六嬸?她說:「現階段都係唔好煩佢,方姐一定會好傷心同唔捨得,佢哋好恩愛,等過兩日我會打電話慰問吓方姐,其實方姐都好偉大,佢一直好用心照顧六叔,呢幾年因為六叔年紀真係好大啦,一有乜閃失就好容易病,所以方姐都好少帶佢出嚟見我哋。」

相關新聞:羅蘭:六叔好勤力

在向太眼中,六叔是一位很精明的生意人,十分注重養生之道,她說:「六叔90幾歲時,佢一見到我就會教我練氣功,佢話早晚做一啲簡單氣功對身體會好好,但當時真係聽唔入耳。唔好睇六叔咁大年紀,佢相當有遠見,永遠識得低買高賣,做生意講求快狠準,我記得當年賣院線、賣無綫,方姐唔捨得,六叔會同佢講一切隨緣,如果人哋咁想要,價錢好咪畀人囉!」
向太又說六叔很守時, 最討厭約人遲到,他經常提點方逸華和她要信守承諾和準時, 向太表示:「記得多年前六叔特別約見我傾談投資將軍澳邵氏影城時,佢問我有冇興趣做,當時佢話我個性夠爽快、直接,如果我肯做,佢先放心做呢項投資。我最欣賞六叔頭腦精靈,眼光又準,佢做嘢唔拖泥帶水,人哋同佢講嘢,佢成日叫人唔好兜彎,直接啲講重點。」

周星馳:永垂不朽

周星馳昨日表示:「邵先生對電影業貢獻巨大,為慈善不遺餘力,邵先生精神永垂不朽。」鄭裕玲昨在商台節目緬懷六叔,她說:「我非常尊重佢,佢好早返工好勤力好客氣,佢鍾意睇靚嘢,所以有《香港小姐》必定坐喺度睇。我見佢最多喺大騷握手,佢都話:『你好瘦呀!』最深刻接觸係十年前要搞邵逸夫獎,當時我同邵生做訪問,佢唔鍾意叫佢講乜就講乜。」六叔另一位好友甄珍,昨日在台灣檢查身體,談起六叔時語帶不捨說:「他是把華人電影帶向世界的偉人,他不只對娛樂圈有極大貢獻,也是大慈善家。他待人客氣又幽默,總是笑瞇瞇,只要與他同桌都充滿笑聲。」

紅姑:培養影視人才

鍾楚紅當年參選港姐後就投身邵氏拍電影,對六叔離世,紅姑嘆道:「好惋惜,六叔係一個偉人,為香港影視打穩基業,培養咗好多出色影視人才,同時佢都好積極參與好多公益慈善事業,回饋社會,係一個好值得尊敬嘅長輩。」王晶昨日在北京為電影《惡戰》主持首映會,曾在邵氏和無綫效力的他,昨日一到場就號召在場人士為離世的邵逸夫默哀15秒。他隨後表示:「對六叔離世感到難過,他是電影界的巨人和備受尊敬的大慈善家。當年我和周潤發參加亞洲影展時,遇到邵逸夫,他習慣用英文和人溝通,人很幽默,常用英文講笑話。」
何守信在無綫服務了20年,他昨說:「我好敬佩六叔,佢雖然係老闆,但對司機、雜工都好好,唔冷漠,最難忘我臨離開無綫前特別搵佢傾偈,竟然得佢接見,傾咗大半個鐘頭,我搵佢傾係冇目的、冇要求,但佢都肯抽時間接見,感覺好親切。六叔107歲雖然話係笑喪,但佢嘅離開真係一個遺憾。」
採訪:鍾國仁、陶然婷

戲裡戲外,話題最強,立即收睇《動戲場》:
http://hk.movies.nextmedia.com/extra/list/

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載