› 選擇地區
三藩市
紐約
洛杉磯
其他美國地區
香港 台灣 北美
 
2014年01月10日

阿叻公司地震 走剩Carol

陳百祥(阿叻)最愛認叻,但演藝事業上卻處處碰釘,去年底為撐無綫台慶竟狂言「跪回家」,激起群情洶湧,拖累台慶收視創十年新低!至於阿叻用自己牌頭開設的潮藝娛樂(SNAZZ),多年來成績麻麻,不少藝人離巢,如今只剩下楊焉(Carol)、「魔鬼胸」蔚雨芯及狄易達,但有消息指阿叻的得力助手、潮藝娛樂的行政總監簡文滌有感發展空間不大,以及投放的資源缺乏,日前已向阿叻遞交辭職信,並有意帶埋蔚雨芯及狄易達離巢,令阿叻的公司幾乎被挖空,令他十分頭痛!

相關新聞:藝壇明燈:捧極冇個得

蔚雨芯都撇

據知Carol因經常扭計,拒接不少工作,最深刻只曾跟阿叻拍《叻哥遊世界》節目,工作寥寥可數,所以文滌沒有預Carol一齊走。反而蔚雨芯及狄易達一直鋪路作歌影視三線發展,去年蔚雨芯除出碟及寫真集外,更首度接演電影《微交少女》做女主角,所以她與狄易達對文滌心存感激,決意相隨。記者昨日聯絡文滌,但至截稿前仍未回覆。

曾跟阿叻搵食的阮民安(Tommy),昨受訪時表示:「E-Kids以前係東魅,我哋同志偉、校長譚詠麟比較熟,叻哥反而少接觸。當時諗住出碟,點知突然乜都叫停晒,同BoBo(陳文媛)、李蘢怡、EO2等一齊上晒叻哥屋企,逐個傾吓未來想點,佢哋有問想唔想去TVB,但自己想出碟,最終阿倫介紹我哋去環球。」資源不足?他說:「拍劇、電影都想,可能係我哋人氣問題啫!」
採訪:嵐山

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載