› 選擇地區
三藩市
紐約
洛杉磯
其他美國地區
香港 台灣 北美
 
2014年01月21日

羅霖解放覓新對象
唔怕囝囝睇床戲:冇露點

羅霖前晚出席美容公司周年晚宴,忽然玩自爆!佢話:「今年三月,就係我離婚兩周年喇!」是指正式辦妥手續兩年?羅霖話:「正式就大半年。我成日提自己專心工作,唔好諗,依家終於可以結識異性喇。」又話身邊好多朋友都催佢快點搵個伴。不過當記者問羅霖,新對象係咪一定要小朋友鍾意,羅霖諗都唔諗就話:「呢個係首要條件,如果佢唔鍾意小朋友,冇愛心就唔會考慮。」睇得出羅霖幾錫佢三個囝囝啦。

但係佢係陶傑套新戲《愛.尋.迷》度,同關楚耀激戰連場,俾網民話重口味。囝囝接唔接受到呢?羅霖就話:「拍之前開過家庭會議,而且小朋友成日睇外語片,所以尺度好大。」仲話自己冇露點,只係做好演員本份,唔介意家長用咩眼光睇自己喎。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載