› 選擇地區
三藩市
紐約
洛杉磯
其他美國地區
香港 台灣 北美
 
2014年02月20日

內地影帝澳門豪賭 被追千萬欠債

近日圈中瘋傳一名內地影帝,一年來經常出入澳門賭廳豪賭,前後輸掉過千萬,但事後失蹤避債。同時YouTube亦流傳一條疑似追數短片,短片第一句就帶有警告成份表示「暫不公開名字」,又提示對方「見字請聯絡有關人士」,片中展示文章指內地影帝先跟賭廳廳主混熟,之後由助手代簽借據賭錢,繼而介紹朋友賭錢賺取佣金,但最後自己輸錢,連同擔保朋友所借的賭本都沒歸還,更跟助手失去聯絡。文章末還寫明內地影帝假如沒在限時內回覆,就會將相關的資料及相片公開給中港各大傳媒。

做擔保抽佣

昨日本報亦收到一位自稱張先生的電話,表示有澳門賭廳的朋友有短片所述的相同遭遇,更實名指出該名影帝的名字。張先生接受電話訪問時說:「大概一年前我朋友係澳門美高梅賭場卡利會嘅廳主,識咗嗰位內地影帝,之後佢哋做咗朋友。呢位內地影帝賭癮好大,我位廳主朋友見佢咁出名,所以每次佢想嚟澳門都會安排專車接佢去賭場賭百家樂。」

張先生表示內地影帝先後在賭廳簽了過千萬賭賬,雖然所有賬單都由影帝的助手簽單,且一直沒找數,但廳主礙於內地影帝知名度,不以為意。近月內地影帝除落場賭外,更向廳主提議可以介紹朋友來賭錢,並口頭答應做擔保人,希望可以從中抽取佣金。張先生說:「內地影帝之後帶咗幾班朋友嚟豪賭,每次佢都係叫助手簽單攞籌碼賭,前後又簽咗成千萬都一直冇找過數。」
近日廳主開始主動致電內地影帝及其助手,但均聯絡不上,張先生說:「兩個都搵唔到,當初係因為對方知名度所以信佢,先至唔使佢本人簽名,聽聞內地影帝喺幾個賭廳都係咁,相信佢條數都唔少。」據張先生指內地影帝近日已沒有再在澳門出現。
採訪:李森

影帝被追債示意圖:

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載