蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年03月06日

章子怡閃耀導演會晚宴
舒淇馮德倫關係升呢

章子怡穿的紅裙側邊透視,性感閃耀。

梁朝偉、張家輝、章子怡、袁詠儀、舒淇及劉嘉玲等歷屆金像影帝影后,以及王家衛、劉偉強、陳果等一眾導演,昨晚在尖沙嘴出席「香港電影導演會周年晚宴暨年度頒獎典禮」,顏卓靈及蔡瀚億(Babyjohn)打頭陣表演歌舞,由劉偉強、馮德倫、陳友等組成的Kindergarten Band樂隊,演繹多首電影歌曲。活動上頒發了多個獎項,Babyjohn奪最佳新演員,最佳男女主角分別是梁朝偉及章子怡,《狂舞派》導演黃修平奪「新晉導演」,郭子健憑《救火英雄》奪執委會特別獎,最佳電影是《一代宗師》,最佳導演則由王家衛奪得。

適逢今年是導演會25周年紀念,所以請了多位紅星撐場,章子怡、偉仔及王家衛這個《一代宗師》組合亦難得再現身,子怡穿了件紅色透視閃片裙,站在偉仔身邊任拍照。舒淇與馮德倫這對緋聞情侶,前後腳到場,問舒淇之前收到99枝玫瑰是否馮德倫所送?她說:「唔知邊個送,應該係啲客送。」問她沒收到馮德倫的花會否失望?舒淇說:「唔會啦!我唔鍾意花,太唔環保,不過收到都開心嘅。」二人始終沒認拍拖,舒淇強調大家只是朋友關係:「我哋由普通朋友變到好朋友,唔會(拍拖)啦咁多年,係朋友就係朋友,冇火花。」

陳果頒獎爆粗

此外,盛裝出席的劉嘉玲,日前在微博貼了和鍾楚紅及關之琳合照,她說:「私下一齊食飯影,我哋平時都有見,不過最近見多咗,佢哋係我心目中女神。其實希望我哋三人一齊拍部戲,唔知乜嘢題材,不過都好難,因為人生態度唔同,有人想休息。」至於好姊妹王菲在巴黎睇騷,王的舊愛謝霆鋒亦在巴黎,嘉玲說:「大家喺巴黎見面都唔出奇,唔使大驚小怪,但唔知佢哋有冇見。」網民想二人復合?她話:「睇吓有冇緣份,復唔復合冇所謂,開心就得。」
陳果與袁詠儀頒發新演員獎,陳果在台上爆粗,當時他說:「賈樟柯都X咗出嚟,做演員都俾人X唔少。」之後靚靚就催他:「唔好講咁耐,唔係又講粗口。」陳果說:「頭先張姐(張艾嘉)夠講咗好耐囉。」靚靚說:「人哋有內涵,你就講粗口,點同。哎吔,對唔住,導演,我個口快過個腦。」
採訪:溫敏芝
攝影:黃文偉、陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載