› 選擇地區
三藩市
紐約
洛杉磯
其他美國地區
香港 台灣 北美
 
2014年03月18日

馮仁昭四圍超:蘇民峰新撈壞被笑A貨 - 馮仁昭

堪輿師蘇民峰最識生活品味,除愛周遊列國吃喝玩樂,仲好捨得花錢買名牌,佢前日就喺微博貼咗兩張佢隻值96,300蚊嘅勞力士Yacht-Master錶相,仲留言:「新買的勞力士,帶了幾次,十點鐘位置粒螢光點竟然甩咗出嚟,請問有冇人有過此經驗呀?」睇番其中一相,十點鐘嗰粒螢光點喺錶裏面碌嚟碌去,又幾化學。

入廠維修

有網民揶揄蘇師傅隻錶喺深圳買,但蘇師傅就澄清係喺香港買,佢留言:「香港喜運佳,算大錶舖。」呢間舖咪玩具大王蔡志明個仔蔡加讚打骰嘅。
馮仁昭噚日打畀蘇師傅求證,佢正喺日本旅遊,直至截稿都未覆。不過原來佢隻錶已經拎咗去整,唔知係咪人在途中心掛掛先發微博,好多網民都戥佢心痛。喜運佳鐘錶集團發言人江小姐噚日回應:「呢件事已經跟進咗,蘇生係熟客,幾日前店舖同事已經同蘇生聯絡咗,𠵱家隻錶已經攞咗返去行度維修,呢啲事唔常見,我哋都要等廠嗰邊回覆究竟係乜嘢原因。」
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載