蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年03月22日
馬上成為壹會員

鄧達智患腸癌急開刀

本地時裝設計師鄧達智(William)昨日在其facebook網頁上載一幅病榻圖片,更自揭患上「Colon Cancer?Simu 2nd stg……連附近肚皮脂肪一拼(併)切割。」記者昨日致電慰問身體情況,從鄧達智的聲線聽出精神不錯,他亦確認患上乙結腸癌二期,已於星期二進行了切除手術,現正留院休息的鄧達智說:「都係大腸癌一種,算係不幸中之大幸,因為喺乙結腸發生,如果喺直腸比較麻煩。」
鄧達智續說:「過咗45歲,已意識到要每年驗身,已叫保險經紀安排,對方懶懶閒,直至今年頭去完法國返香港,覺得大便習慣唔同咗,有時候便秘、有血絲,上星期四即去照腸鏡知道結果,如常星期五、六約朋友食飯,唔想驚動朋友,之後安排入院。」

幸沒擴散

鄧達智表示已切除腫瘤,經化驗沒有擴散,不過因家族中有人因癌症過世的紀錄,正等待主診醫生意見,研究是否需要打抗癌針,他說:「我三家姐唔夠40歲胃癌走,陪佢走咗一段辛苦路,我父母都係生癌,不過都年紀大,二家姐都係生淋巴癌。」鄧達智正休養中,並透露會減少奔波勞碌,他表示:「噚日開始放到屁、小便,今日大便到,拔走尿袋,應該星期一可以出院,自己以後會更加小心,都會一段時間食得清淡同食流質。」
採訪:唐如

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載