蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年03月31日
馬上成為壹會員

馮仁昭四圍超:
「別讓這臭東西沾污自己」陳秀雯與妹擘面 - 馮仁昭

最近陳加玲發聲明,重提20年前俾有婦之夫呃,害到佢好慘!跟住又有周刊寫佢家姐陳秀雯(Amy)仲傷過佢,話Amy同林國雄離婚後仲要代人還債,為搵錢養仔要積極減肥準備再戰幕前。一向低調嘅Amy,當然唔想重提舊事,但個妹突然高調,連累埋佢,難怪前晚喺微博暗罵加玲破壞佢生活。

六年冇見

因為陳加玲前姐夫欠債嘅事,令兩姊妹反晒面,而加玲日前都承認同家姐六年冇見,又講咗家姐唔少嘢,可能因為咁,刺激到Amy大前晚喺微博留言暗寸個妹:「平白無事,怎麼年前舊聞,加上與事實不附的胡說八道發表,又被挖起來變成頭條?了解後發現,我的舊事重提,作用只是這篇專題的序言,重點內容主角不是我。」
Amy前晚再留言:「有人向你丟狗屎,不接,老死也不接,走遠遠的,別讓這臭東西,沾污自己的。然後……祝願這個人,以後生活得更好 ,好得再沒時間出來亂丟東西,然後……再祈願她,有一天能明白自己做過的一切,有意思。」馮仁昭打畀加玲想問佢覺唔覺家姐暗罵佢,再次破壞佢生活,所以同佢老死不相往來,但加玲就一直唔接電話。
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載