› 選擇地區
三藩市
紐約
洛杉磯
其他美國地區
香港 台灣 北美
 
2014年03月31日

《3D豪情》激戰 鋼條身形點煉?

猶記得杜汶澤去年捧着肥肚腩踩上《亂噏24》,跟黎智英的身形不相伯仲,誰知事隔半年,他再次擔任嘉賓,儼如變了第二個人,肥佬黎甫見到他便說:「我一見你,你成個人唔同咗。」阿澤為了拍攝《3D豪情》,效法張家輝般狂操身形,又聘請了醫生和私人教練,結果皇天不負有心人,成功換來鋼條身形。最妙之處是阿澤如今再吃肥膩食物,都不會「翻脹」,醫生向他解釋在科學角度上,他已變了第二個人,無論體質、循環系統都變了。肥佬黎補充:「係個心理改變,最緊要呢樣嘢。」陳淑莊問他:「係咪心動(減肥)?」肥佬黎答:「有呀。」

阿澤表示做演員有個過癮地方,就是可以變成另一個人。當年呂良偉拍《跛豪》也增肥來拍,阿澤笑說:「不過我覺得佢拍《跛豪》唔應該增肥,應該打跛對腳!咁就冇人夠你鍊啦!張家輝嚟緊拍《跛豪》,我覺得佢會㗎!」蔡瀾笑說:「唔好害佢啦!」

拍《跛豪》要打跛腳,咁拍《3D豪情》為咩減肥?星期四晚十一點《亂噏24》澤日講你!

服裝:ANTEPRIMA

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載