蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年04月08日

馮仁昭四圍超:岳少開劇打救港視人 - 馮仁昭

林建岳已經請咗梁家樹製作劇集,主攻內地同海外市場。資料圖片

王維基旗下嘅香港電視開台遙遙無期,佢哋簽落咗一班幕前幕後精英面臨失業,好似唐寧咁笑話要做茶餐廳洗廁所。喺呢個徬徨時期,突然出現咗曙光,因為寰亞公司會新增電視製作部,每年會製作200小時劇集,主攻內地同海外市場,一年要製作咁多個鐘劇集,當然幕後都需要人手啦!老闆林建岳已經請咗前任無綫製作部戲劇製作總監梁家樹,電視製作部會由佢揸弗,頭炮係愛情浪漫喜劇,搵緊內地藝人孫儷同馮紹峰演。

啱用就請

梁家樹呢個月初已經正式上任,𠵱家埋緊班,噚日馮仁昭打電話問佢做乜嘢唔退休享清福,又要佢做開荒牛,佢笑笑口話:「我鍾意接受新挑戰,不過重新入到一間新公司,每年要製作成200小時嘅劇集,壓力係幾大,乜嘢都好似要從頭做過,人手係一個棘手問題,咁香港電視嘅藝人同製作人,如果啱用,我都會請,不過我哋製作嘅劇以攻內地市場為主,主要演員一定優先考慮內地熟識嘅人。」
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載