› 選擇地區
三藩市
紐約
洛杉磯
其他美國地區
香港 台灣 北美
 
2014年04月11日

梁乃鵬責志雲寫序

對於遭前無綫PA偽文豪出書數臭,昨晚播出的無綫維穩節目《東張西望》,只以「最近有位TVB前助理編導,出書講述當年做PA的遭遇」而帶出事件,接着播出行政主席梁乃鵬前晚活動上的回應,他將矛頭直指陳志雲。
梁乃鵬說:「我唔知點解陳志雲先生會替一個佢完全唔熟悉嘅人作序,你知作序一定要對作者有認識,亦要對作品有認同,如果根據報紙報道,只係朋友託佢,而佢未睇過本書,我覺得做法有啲商榷。」他又說:「呢位PA同事根據報道工作咗7個月,一定唔可以代表TVB所有PA嘅工作生涯,否則唔會咁多人到今日喺TVB工作幾十年,有啲仲變咗知名導演,你睇杜琪峯、王家衛,你睇吓幾多人尊重佢?」
與此同時,節目又安排一名任職4年的PA、助理總經理區偉林、監製李添勝和陳耀全唱好PA生涯,區偉林說:「好似做拎機、場務嘅人,對晉升成PA係個夢想。有啲人覺得一日十個鐘就夠,呢啲人慢慢會流失做唔到PA。」李添勝亦說:「PA工作繁複,但前途好,公司會畀機會佢做導演,高級導演、監製、經理,一路做上去冇問題。」
偽文豪昨晚知《東張西望》反擊,他即在fb留言:「我聽人講,今日《東張西望》幫我本書做勢喎,係唔係有啲咁嘅事呀?所以話世上只有TVB好。」
撰文:張曦彤

相關新聞:偽文豪又有料爆

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載