蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年04月23日

馮仁昭四圍超--
大埔LuLu:男友係導演 - 馮仁昭

俾網民封為「燈神」嘅「大埔LuLu」董嘉儀,啱啱簽咗新經理人公司,諗住喺娛樂圈發展,當時佢肯定自己單身,又話自己嘅擇偶條件一定要鍾意睇波。點知噚日有雜誌踢爆LuLu同一個六呎高嘅男仔,好sweet咁喺銅鑼灣拍拖,個男仔又搭佢膊頭,LuLu又從後攬住佢,之後再齊齊坐的士走人。

拍拖四年

事後LuLu接受雜誌訪問,大方承認拍拖:「佢係廣告導演,喺網上拍過啲短片,但係唔出名,我哋感情好穩定,結婚過幾年先啦,我仲細,得20歲!」不過有啲網民似乎唔多like LuLu講大話,呢頭講完單身冇男友,轉個頭又認有個拍拖四年嘅男友,最緊要係兩件事相距得嗰十日八日,口風變得咁快,又好難怪大家有咁嘅反應。噚日LuLu喺電話度話:「多謝大家關心,其實一直都有個圈外嘅穩定男友,冇話唔講得,只不過大家仲細,想以事業為重,希望大家畀啲空間我哋!」問擔唔擔心影響女神地位?佢話:「唔怕,一直大埔嘅賽事我同男友都有一齊去睇,好多朋友知道,同埋想做好啲工作,唔係淨係做女神。」
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載