蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年05月05日

嘆生活艱難
河國榮擺檔賣首飾

【西貢】不少人滿懷希望與夢想加入娛樂圈,然而演藝路其實非常難行,繼譚小環褪下港姐光環開檔賣魚蛋後,螢幕前見慣見熟的「鬼佬」河國榮,因為角色受局限,演出機會不多,離開無綫6年只拍過兩部電影,要養妻養狗的他差不多花光老本,坦言生活艱難,他與太太商量過決定在網上賣D.I.Y.飾物,兩夫妻昨日還到西貢擺檔,希望能絕處逢生。

已離開無綫的「鬼佬」河國榮,27年前為圓夢做演藝工作,不惜買單程機票來香港闖一番,這些年他是賺得一定知名度,也結了婚在港落地生根,不過始終角色局限,自6年前離開無綫後,河國榮只參演過兩部電影,為了養妻和解決經濟拮据,河國榮昨日孖老婆到西貢擺檔賣D.I.Y.首飾。

太太D.I.Y.飾物

說得一口流利廣東話的河國榮,近年幕前演出不多,為了營生,他見老婆有做珠寶首飾經驗,夫妻夾手夾腳經營網店賣首飾,他們昨日還在西貢香港學堂國際學校租幾十呎的小攤位擺檔兼賣埋咖啡,同場其他攤檔有賣麵包、玩具、天然護膚品、紅酒和服飾等。河國榮表示場地每月只會租出一個周日,日租750元。
見河國榮的攤檔放了小枱,上面擺放其妻D.I.Y.的寶石飾物,有耳環、頸鏈和手鏈。昨早11時開檔,不少外籍人士幫襯河國榮買咖啡,每杯20元,飾物由百多元至900元不等,有不少少女上前選購,河國榮全程落力促銷,他說:「整首飾我唔識,全部太太整,我今日嚟係做生招牌。呢批首飾太太整咗半年,當中用嘅寶石都唔平。我哋今日第一次擺檔,facebook都有個網頁,暫時唔會開舖,因為香港租金太貴。」可覺藝人擺檔難為情?他說:「當優勢,認得我嘅都停步望一望,有乜難為情,大家搵食啫。」

無綫獨大礙發展

河國榮大嘆做藝人辛酸,他說:「6年前我離開無綫,都有諗再落去都唔會畀我做主角,留低將來最多做個老人家綠葉,一係出去博一博,睇吓有乜嘢發展,博唔一定輸。」河國榮選擇向外闖,離開視圈6年只演過兩部電影,兩年前跟郭富城合作電影《浮城》,及早前接拍林家棟執導的電影《死開啲啦》,片酬不高,但河國榮不怨天尤人,另覓出路,坦言生活艱難的他說:「我擔心生計,都要搵食,我屋企又有11隻老狗要養,佢哋成日病要睇醫生。」河國榮不值無綫獨大,又指亞視不爭氣,他說:「亞視唔可以當佢喺度,佢冇嘢拍,不停重播;香港電視(HKTV)𠵱家又冇咗,否則佢開到台可以為藝人爭取合理待遇,封咗香港電視,冇咗選澤,演員好辛苦。」
河國榮對無綫不留戀,他說:「十年前未有智能電話,每人係開電視,但𠵱家識上網未必睇無綫,無綫係好多節目,但拍得唔細心,睇兩三集就唔睇。」他自爆這幾年都是食老本,他說:「冇乜收入,都係用以前積蓄,呢次同太太搞生意,我哋錢都係一齊用,冇話打本畀佢。」即使演藝路棘荊滿途,河國榮表示會繼續行下去,還會努力完成出唱片夢。

採訪:文國駿
攝影:李志明、畢紹基

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載