› 選擇地區
三藩市
紐約
洛杉磯
其他美國地區
香港 台灣 北美
 
2014年05月09日

楊千嬅護子隨時發圍

千嬅自言從未遇過如此深層壓抑的角色,幸好經過彭導的輔導才能找到恰當的演出方式。
攝影:仇志德

「夢如人生,快樂永記取,悲苦深刻藏骨髓」
—《每當變幻時》

相關新聞:GiGi谷胸一償夢想

多得彭浩翔和《春嬌與志明》,令楊千嬅冠上影后頭銜,演技得以昇華至另一層次。今次她要扮演活在痛苦的女人,因年少無知,誤以為亡母厭惡自己,這淌血的傷口,直接影響身心健康,悲苦深刻何止藏骨髓?千嬅受訪時說:「以前冇遇過啲角色咁深層表達一啲抑鬱嘅嘢,通常我好開朗,今次唔能夠好『造』(造作),如果唔係會好怪,佢係思覺失調,唔係真係一個癲嘅人,要崩潰都係唔同層次,咁點樣做呢樣嘢係要溝通。導演好好,相信佢同每個演員心理輔導咗好耐,成件事嘅表達係點樣,咁我就搵咗個啱嘅tone,最好志偉係我老公,佢咁有經驗,可以帶動我去入戲。」
不過,千嬅最欣賞還是志偉的「床上功夫」!當日他跟新人蔡潔埋身肉搏,場面辛辣刺激,千嬅說:「好勁!原來佢(志偉)好勁,床戲囉!一開始幾勁,導演化解嗰樣唔係咁色情,好叻拍到嗰件事出來,佢唔係用情慾,係拍件事出來,同埋我覺得蔡潔好勁,作為一個新人,第一次拍戲,佢好relax,好放呀!」

帶囝囝認識世界

提到戲中古天樂嫌棄女兒醜樣,竟然懷疑是否自己的親生骨肉,身為Torres媽媽的千嬅搖搖頭說:「嘩!好hurt呀!比我起咗圍喇!比着我老公死咗啦,一定死,即刻死得好慘。唔好話彈,無端端有個人行埋來大聲同我個仔講聲,我即刻衝埋去問佢乜嘢,你嚇親個細路仔,我會嘈喧巴閉。」
虎媽千嬅奮不顧身保護愛子,但在適當時候亦會放手:「好似UNICEF一定要去,佢唔望一望,唔知呢個世界原來係咁。」
撰文:楊潔雯

相關新聞:彭浩翔帶出人心暗湧

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載