› 選擇地區
三藩市
紐約
洛杉磯
其他美國地區
香港 台灣 北美
 
2014年05月09日

GiGi谷胸一償夢想

GiGi自言婚姻生活令她更relax,拍戲也變得更投入無後顧之憂。
攝影:仇志德

「遲遲年月,難耐這一生的變幻」
—《夕陽之歌》

相關新聞:楊千嬅護子隨時發圍

人到38歲,再不能扮清純玉女了吧?梁詠琪(GiGi)一改戲路,飾演過氣整容名模,要裝「胸」作勢,又僅穿內衣通屋走,是從影以來一大突破。那一幕泳池邊高炒36F深溝,惹人遐想,她更要與古仔大演床戲,以及賣肉扮殭屍拍電影。GiGi極滿意彭浩翔賜予她的假大胸:「導演真係……係佢諗到擺喺我身上,好有創意,佢話搵我原因係知我冇整過容,因為整過一定唔會拍,會忌㗎嘛!另一樣係,雖然話係滿足佢對女性fantasy,其實又何嘗唔係滿足咗我一個夢想。」
GiGi拍攝《香港仔》的另一得着,就是其西班牙籍老公Sergio看完電影後,加深了解香港家庭的倫理關係,她說:「佢睇得明,包衣紙有解釋,因為成個story無論發生喺香港又好,發生邊個年代都好,都係講一個家庭,喺入面佢仲睇到不一樣嘅我。」
至於Sergio在大銀幕看GiGi跟古天樂的床戲有何反應?她說:「我老公加多一個評語,係就算有呢啲場面,都係有class嘅。今日我唔止做戲唔同咗,其實做人都係,係生活帶畀我,令我個人relax,無後顧之憂,投入做我喜歡嘅嘢。」

感嘆娛圈虛浮

不過,戲中有一場講述GiGi被邀約出席賣淫飯局,令她感受良多:「第一場陳輝虹叫我拍戲,原來係叫我陪老細,嗰場我真係堅嬲,我覺得被侮辱同好hurt。雖然我喺呢行冇遇過呢啲情況,嗰刻會諗娛樂圈名利好虛浮,假若有一日我發覺自己冇呢個價值,好唔踏實,會冇安全感,俾監製咁樣對待,我會覺得侮辱!」
撰文:楊潔雯

相關新聞:彭浩翔帶出人心暗湧

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載