› 選擇地區
三藩市
紐約
洛杉磯
其他美國地區
香港 台灣 北美
 
2014年05月09日

彭浩翔帶出人心暗湧

彭浩翔認為《香港仔》的故事要包羅萬有,像香港這個城市一樣。
攝影:仇志德

「人生與命運,原是一天百變。」
—《變色龍》

相關新聞:楊千嬅護子隨時發圍

無疑,《香港仔》是一碗充滿香港情懷的地道車仔麵,負責推車仔的,正是導演彭浩翔。
彭導以三條主線包裝香港家庭倫理故事作麵底,加入甜酸苦辣刺激視覺感觀的佐料和餸料,上枱前還輕輕灑了點鹽花調味,帶出彭式車仔麵的獨有特色。
彭導聽到「彭式車仔麵」一詞,先感到錯愕,再點頭說:「呢個城市係咁,樣樣有啲,自助餐嚟㗎嘛!睇到我想將好多感覺放埋一齊,由故事內容到拍攝手法都係,有啲靈異……」
樣樣配料都放進麵裏,難免會雜亂,但彭導自信拍到預期效果,堅持《香港仔》的故事要包羅萬有:「每條線都好強,你講咁多人嘅故事好困難,其實有投資方建議不如拆成兩部戲啦!夠做兩部戲嘅卡士。不過,我堅持放咗喺一部戲。」他承認以全新手法烹調車仔麵:「人都大咗,以前唔關注家庭問題,呢幾年想寫關於家庭嘅主題,每個人有好多自己嘅煩惱,一家人嘅煩惱係互相交纏,所以寫咗一部咁嘅電影。」
以家庭倫理為題的作品,有激烈的做愛場面;巨型蜥蜴在紙紮北角經過;一家總動員搶救擱淺鯨魚,彭浩翔解釋:「拍一個家庭文藝片,唔代表一定要拍得好沉悶,每個人內心有好多暗湧,正如個小朋友死咗條蜥蜴,佢嘅夢想世界好奇幻,咁點解電影唔將佢拍出嚟,當然有時冇資源拍唔到啦!但今次好幸運,有好多演員支持,又得到投資方支持。」
彭浩翔變了,變得對生命更加熱愛。人生與命運,原是一天百變。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載