› 選擇地區
三藩市
紐約
洛杉磯
其他美國地區
香港 台灣 北美
 
2014年05月09日

蔡潔為角色脫得自然

蔡潔首次拍電影已經要全裸演出,但她卻認為這是演員應有的本份。
攝影:葉君海

「扮靚啲皆因你,癲癲地皆因你」
—《分分鐘需要你》

相關新聞:楊千嬅護子隨時發圍

蔡潔緩緩走到志偉跟前脫光上衣,熟練地在他兩腿之間搖晃,完事後,舔着雪糕回味享受,一鏡直落,無花無假。第一次拍電影,第一次做宣傳,蔡潔沒半點怯場,她禮貌地作自我介紹:「我叫Jacky,入行之前選過中華小姐,係2013年嘅事,選完我返咗澳洲墨爾本讀書,畢業後就來香港拍《香港仔》。」
蔡潔在澳洲修讀影視製作碩士課程,今次豁然一脫,就是要坦白告訴大家:「我唔覺得係犧牲,大家有大家位置,我覺得係俾咗個好機會我,同埋學到好多嘢,導演同我表示過,為咗呢個角色頭痛,自己諗過好多人,佢委以重任畀我,總之個效果最後係好嘅就OK!」
畢竟要在鏡頭前裸露,蔡潔自認開放,但絕不隨便,她說:「我覺得呢個唔係一個好重嘅嘢,最緊要係部戲好,自己會認為呢個唔係我一個好concern嘅部份。今次唔係全裸,前面有做保護,係背脊裸!意識係好大膽,劇情需要,如果佢要交代清楚個關係,我覺得係需要呢個劇情。其實我想講,唔係你肯除晒就好睇嘅,個導演搵得你,真係覺得你啱,咁你就做番個角色要你做嘅嘢,如果接得就要信任導演嘅處理,唔好問『會唔會露得太多』。自從我say yes接演呢個角色,唔可以話豁出去,好似去送死咁,不過唔會扭扭擰擰,因為我自己都係學影視,到時我第日開戲,我都會咁樣要求我嘅演員同crew囉!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載