› 選擇地區
三藩市
紐約
洛杉磯
其他美國地區
香港 台灣 北美
 
2014年05月09日

李汶桂做自信醜小鴨

李汶桂是一個自信和堅強的小女孩,即使在片中頻頻被指醜樣也不介意。
攝影:仇志德

「做個真的漢子,承擔起苦痛跟失意」
—《真的漢子》

相關新聞:楊千嬅護子隨時發圍

美滿家庭,是型爹哋靚媽咪,再加個美貌出眾可人兒。但世事豈可盡如人意,連9歲小演員都知。被指派做醜角的李汶桂,直至看到宣傳海報後期改圖,才知道自己要扮醜小鴨,在戲中被媽媽梁詠琪瞞騙,被爸爸古天樂嫌棄。
真相大白,李汶桂沒有哭,沒有鬧,9歲孩童,比成年人更懂是非黑白,在接受訪問時,盡現自信和堅強,她說:「整到我個鼻成隻猩猩咁,後尾媽咪同我講話畀我知喺戲中做一個好醜樣嘅女仔,我唔會唔開心,冇介意。我知道係為咗拍戲,所以我唔會介意。」
李汶桂性格爽朗,不懂矯揉造作,她說:「自己性格男仔頭,但係都係個貪靚女仔!」所以,汶桂提到型爆爸爸古天樂,表現特別開心,她說:「咁現實生活都唔會有古天樂咁有型嘅爸爸,係戲裏面先至有。鏡頭以外又同我玩,好錫我,佢似一個好爸爸,因為佢表情似,做嘅嘢都似。」她又感激「媽咪」梁詠琪在片場的照顧,她說:「佢哋會趁埋位前同我傾偈熱身,又會教我演戲。」
小朋友樂而忘憂,拍完《香港仔》後也不知有何得着,但汶桂最希望的,只是可以邀請同學入戲院欣賞,無奈電影是IIB級,她說:「原先想請同學仔捧場,但係話要16歲以上先得,請唔到佢哋睇,我自己有睇,遇到唔睇得嗰啲我就唔睇。」
撰文:張俊銘

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載