› 選擇地區
三藩市
紐約
洛杉磯
其他美國地區
香港 台灣 北美
 
2014年05月12日

古惑佬澳門開騷
小春催伊健生仔

【澳門直擊】鄭伊健、陳小春、謝天華、錢嘉樂及林曉峰五位古惑佬,前晚又合體在澳門舉行「歲月友情演唱會」,今次澳門站與香港站的演出編排大致相同,五位古惑佬以一輪快歌為演唱會展開序幕。

應采兒蒙嘉慧冇現身

錢嘉樂繼續以鋼琴自彈自唱《同一秒》,太太湯盈盈和囡囡亦有在台下支持,與錢嘉樂同一餅印的Alyssa,戴上headphone兼拍手的模樣認真可愛,錢嘉樂說:「阿囡今次係特登嚟捧場,呢首歌係送俾澳門所有母親,祝大家母親節快樂!」

他們在台上透露為何以澳門作為巡迴演出的第一站,謝天華說:「我哋第一套《古惑仔》係喺澳門氹仔大橋度拍,所以對澳門特別有感情。」因為應采兒要開工的關係,所以未有現身,不過她自掏腰包買20張飛,以示對小春的支持,小春冧爆地說:「我真係好少訂飛,點知佢訂完飛先話自己唔得閒,好彩喺澳門都有朋友!」在旁的錢嘉樂笑說:「𠵱家小春識得關心人,改變咗好多,係非常好嘅改變。」小春聞言後笑而不語。見到小春的身形消瘦,於是問他湊仔是否辛苦?他指一指天華和伊健說:「唔辛苦,好enjoy,係另外一樣嘢,佢哋唔明㗎,快啲拿拿臨返去喇!」因為蒙嘉慧腳傷未癒,所以未有現身,伊健笑說:「佢吞pop呀,見其他人唔嚟咪唔嚟!」
採訪:藍文浩
攝影:陳順禎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載