› 選擇地區
三藩市
紐約
洛杉磯
其他美國地區
香港 台灣 北美
 
2014年05月16日

青雲、藹明孝順
陪老人家睇醫生

劉青雲同老婆郭藹明向來都好孝順,老人家要睇醫生二人都會管接管送。

【中環】由劉青雲、古天樂、吳彥祖同周迅主演嘅《竊聽風雲3》喺下月5號上映。一向孝順嘅劉青雲前幾日同老婆及一男一女嘅長者出現喺中環,司機將車停喺中環置地文華東方酒店畀各人落車後,戴晒黑超嘅劉青雲同郭藹明就陪住兩個老人家慢慢行去中建大廈,雖然同行仲有一個外傭,不過青雲同老婆就好似左右護法咁,全程都傍實老人家,由於入大廈要行兩級樓梯,青雲同老婆就一前一後咁睇到實,以免兩老跌親,認真細心。

逗留個幾鐘

其實,劉青雲唔止一次俾人影到同老人家出現喺上址,據悉今次都係帶老人家睇醫生。劉青雲入電梯前發現記者後即手指指告訴太太,郭藹明同兩個老人家向記者方向望一望就一齊入電梯上樓,逗留咗個幾鐘都未見佢哋離開。
採訪、攝影:潘冠恩

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載