› 選擇地區
三藩市
紐約
洛杉磯
其他美國地區
香港 台灣 北美
 
2014年05月16日

聞苟姑娘再攻城勁酸
熊黛林:冧掂好叻咩?

熊黛林被問到苟芸慧再攻城一事,她不想多談。

熊黛林、周秀娜、文詠珊(Janice Man)、方中信及杜德偉等,昨日在灣仔出席藝術展,近日有指苟芸慧冧掂郭富城經理人小美,因此再度出手攻城,身為城城舊愛的熊黛林聞言只說:「我冇跟進香港新聞,冧掂好叻咩?始終係人哋嘅事,希望佢哋搵到佢哋嘅幸福。」熊黛林強調自己已經放下,努力向前,對城城只有朋友的感覺。

JM露Bra

同場的Janice Man拍照時不慎洩春光,露出黑色胸圍邊,當記者要求她與谷胸但離罩的周秀娜合照時,JM可能怕被比較而拒絕,被問到簽新公司做一姐,JM一口否認。
另外,有消息指將於下月初上映的《竊聽風雲3》中,吳孟達的戲份被刪,有份演出兼造型似足「上海仔」的方中信說:「噚日喺內地有一次宣傳,達哥係冇去,不過之後佢會出席,我同兩個導演合作兩次,佢哋唔會咁,呢個係群戲,大家啲戲都係咁上下。」提到造型似足「上海仔」,維肖維妙,方中信笑說:「披頭四造型係抄足,如果真係似,希望佢唔好嬲,我都靚仔,總之我唔係醜化佢。」
採訪:卓寶花
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載