› 選擇地區
三藩市
紐約
洛杉磯
其他美國地區
香港 台灣 北美
 
2014年05月17日

FAITH遭網絡欺凌?經理人千字文糾正網民

前日FAITH個經理人Percy Wong借FAITH個官方page,打咗個唔知status定論文出嚟,內容主要係為FAITH嘅新歌、佢監製嘅《Ma Ma Easy》抱不平,就話呢首歌係佢哋真心製作嘅「非主流」歌曲,表達出年輕人經歷被媽媽鬧嘅心聲,仲話三子得知後都躍躍欲試咁話喎....

好喇,由於時間嘅關係,已經為大家抽取咗精華嘅句子出嚟,方便大家細味同咀嚼當中嘅大道理:

「我教他們運用很隨心率性的唱法,以求製作出一種少年人的輕狂感覺!要在合唱時的尾音帶點混亂感,就好像幾位朋友隨意地抒發一些心底話時的情景。」

「如果要製作一首偶像派的商業音樂,還要把錄音效果製作得整齊乾淨,在現今電腦科技發達的時代,其實有何難度呢?」

「儘管今天他們是不少粉絲心目中的偶像,亦明知這首歌可能沒有迴響,也不介意一試!」

「於是我們抽起了原本要發佈的另一首以商業元素掛帥的騷靈味主打歌曲,而着手製作《Ma Ma Easy》!說到這裏,大家也許明白到堅強的SKY之所以會流淚的原因」

嗯嗯!「堅強的SKY之所以會流淚」,相信大家都明白得一清二楚喇。除以上嘅精華部份,段status仲好有抱負,話要糾正社會恃強凌弱、集體網路欺凌呢股歪風喎,仲話「不要跟我說我將網路欺凌與善意批評混為一談了!」....言下之意即係話Faith被網民欺凌?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載