› 選擇地區
三藩市
紐約
洛杉磯
其他美國地區
香港 台灣 北美
 
2014年05月21日

越南版《格格》十級驚嚇 網民:想哭

最近,亞視就以「殭屍」打隔離台隻「膠猴」,可惜因為呢套「殭屍神劇」,實在重播得太多次,幾乎連對白都識背咁滯,所以重播至今,只係得1點收視。

不過,亞視其實都有贏過㗎!當年亞視就買咗紅遍中台嘅《還珠格格》第一、二部,有趙薇飾演小燕子,林心如飾演紫薇,仲有范冰冰、蘇有朋同張鐵林等等,嗰陣個個都跟住小燕子笑、陪住紫薇喊,搞到大台都要出動「獎門人」搶收視。

《還珠格格》咁經典嘅劇集,自然有唔少製作人想翻拍啦!內地網站就傳出疑似係越南版《還珠格格》嘅宣傳海報。但點解小燕子、紫薇、爾康同永琪會變成咁㗎?唔係話靚唔靚嘅問題,但係完全感覺唔到原著瓊瑤嘅詩意,仲有皇上同皇后,唔使講當然係霸氣盡失啦!

雖然係受歡迎,不過真係唔可以隨便翻拍0架嘛,早排先整咗齣印尼版嘅《來自星星的你》,點知被網友喪插,0依家又整套越南版《還珠格格》,有網友就話:「那畫面太美我不敢看!」仲有網友話:「不知道為甚麼,有種想哭的感覺。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載