蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年05月24日

娛樂動劇場:爆肌申是這樣練成的

去年一套電影《激戰》、一幅張家輝筋肉人雜誌封面,掀起一陣「爆肌」熱,方力申、杜汶澤、張繼聰等男星,為拍戲好,為出碟好,個個都要騷一騷人魚線同6嚿腹肌。本報動新聞特邀方力申示範,其爆肌是如何練成的。
撰文:宋文

相關新聞:肌師Michael 操硬阿葛杜汶澤

最近又一位男星加入「爆肌軍團」─ 方力申,雖然一向知他是名運動健將,但見他腹肌胸肌盡現,大家不禁會問:「究竟點練㗎?」答案就是,除了恒心,就是要一位好教練,那就是星級健身教練、歌手杜德偉的哥哥杜德智(Orlando)。那麼,是否有特別的「爆肌」技巧呢?Orlando說:「其實冇,問題只係如何針對身體,例如上半身嘅上中下肌肉訓練。」
他向我們展示了三套操肌動作,引體上升、掌上壓和舉重,看上去很易,但現場看到的都是進階版本,做引體上升的條橫鋼要靠站上一條小梯、伸盡雙臂才能僅僅握住;掌上壓是要握緊用圓形鐵塊組成的啞鈴,腳尖則有約半米高的木箱上支撐着,腰力、平衡力少一點都會向前「中」;還有就是舉重,左右兩手分別拿重達20kg的啞鈴,只以雙腳支撐,腰力不夠的話,隨時拉傷背部肌肉。不過,方力申就是這幾個月來,每日在做這三套動作,採訪當日,Orlando更說:「方仔噚日先做咗100下引體上升!」嘩,確是不簡單!

食慾是這樣減低的

雖然Orlando已經55歲,但看他的身形,比25歲的男生更fit,除了狂操肌肉,是否有地獄式菜單?Orlando說:「其實我都會食朱古力、pizza、意粉,不過我已經訓練過一段長時間,可以控制,但如果係普通人,想由零開始做肌肉訓練,就首先要戒糖,因為都係啲唔健康嘅卡路里,蔬菜一定要食多啲,好多人唔知,油鹽糖醋等會好易令人想繼續食多啲嘢,但只要忍到一次,嗰個欲望就會減低,跟住就要吸收好多嘅蛋白質,因為對爆肌好重要,當然啦,唔該,都係要做運動!」

筋肉版

運動是這樣享受的

現在是「爆肌男」的方力申,就希望大家要有正確的觀念:「成日都聽身邊人問操肌『有咩特別餐單』、『要幾多個月』、『辛唔辛苦』,跟住先去做,其實唔係咁。運動係一個長時間嘅過程,要先action,打好個底,將運動放喺生活入面,到你享受咗呢種生活,戒口同餐單先至變得重要。其實根本唔使好耐時間,一兩個星期已經有成效,好似我成世仔都未試過有腹肌,訓練嘅最後兩星期先完全戒油鹽糖,原本都係冇(腹肌),但係我持之而行,隔咗兩三日,咦,開始有兩嚿喇,過多幾日之後再多兩嚿,咁樣keep住去,就會好似開咗竅咁,突然有朝早『啪』一聲,腹肌就彈出嚟。」

其實任何事都一樣,不要走捷徑,利用自己的恒心和意志,才會成功。

入門版

看到方力申的「爆肌」訓練,可能會嚇親很多人,又會覺得做不來。其實Orlando也同時分享了三套較為簡單的動作,適合新手在家中訓練。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載