› 選擇地區
三藩市
紐約
洛杉磯
其他美國地區
香港 台灣 北美
 
2014年06月05日

蘇施黃直播喊住悼何佐芝

商台創辦人何佐芝昨日與世長辭,享年95歲,他將大半生貢獻娛樂事業,一手創立商台和佳視,培育出6 pair半、軟硬天師、森美、小儀和艾粒等當紅DJ,雖然佳視已倒閉多年,但當年開拍《射鵰英雄傳》就捧紅米雪和白彪,何佐芝的離世令曾受他栽培的藝人深切哀悼,連一向硬淨的6 pair半成員蘇施黃,昨驚聞噩耗後喊住做直播。

相關新聞:殺入視壇:佳視改編金庸劇創先河

商台於昨午3時半的新聞報道中,宣佈名譽主席何佐芝離世的消息,當時蘇施黃正主持881《大玩派》節目,她聽完新聞後開咪喊住說:「喺度同大老闆講聲拜拜,何生係我認識老闆中,打過咁多份工最好老闆,佢有好好幽默感,食嘢比我更識食,由1978年到𠵱家,佢走咗都有少少miss呢個老闆!」

森美:佢好照顧同事

事後阿蘇接受電話訪問說:「佢好有人情味,員工做咗好耐,盡量畀碗飯食,當時電台俾人偷CD,大家都好㷫,但電台話唔好報警,費事看更冇得撈,有啲同事大病都繼續出糧,好記得當時佢請我哋去富臨飯堂、福臨門食鮑魚魚翅,佢食嘢比我更有研究,真係好掛住佢!」
6 pair半另一成員梁安琪說:「何生威嚴得嚟好溫和,自己喺商台工作9年,心情好沉重,永遠懷念佢,當年佢畀好大自由我做《搖擺天使》,好珍惜呢段歲月。」而資深播音人李我太太蕭湘則說:「我啱啱接到消息,好震驚,個心好唔舒服,我哋幾十年朋友賓主,以為今年8月26日嘅55周年台慶一定會比較隆重,點知搞出咁嘅事。」
近年森美和小儀大受聽眾歡迎,森美對何佐芝離世感訝異,他說:「上次公司台慶見到佢好精神,一向形象好慈祥,記得有同事唔可以再擔當工作,佢都繼續照顧同事屋企人,佢嘅貢獻唔止對電台,係畀多一個選擇香港人,除咗政府電台仲有一個私營電台。」小儀收到噩耗很傷心,她說:「何生係好仁慈嘅大老細,冇佢冇商台,我哋啲小職員,佢都微笑傾兩嘴,冇佢建立商台,冇得畀DJ發夢。」

相關新聞:話你知:商台捧紅DJ變偶像

祖兒:對電台有貢獻

曾主持商台紅爆節目《盡訴心中情》的白韻琹在電話說:「佢好有幽默感又識講笑,多謝佢畀機會我做主持,最深刻印象係佢成日請人返屋企食飯賞菊花,赤柱別墅好大好靚,佢好有幽默感,話唔止鍾意花,仲好似蝴蝶採花,後期佢坐輪椅都有探佢,佢太太又靚又有愛心,兩公婆感情好好。」

於佳視《射鵰英雄傳》演郭靖的白彪昨在電話中說:「佢係我舊老闆,都幾好人㗎,會請我哋去佢屋企食飯打麻雀,當年我都係力捧藝人之一,嗰時佢做佳視都幾叻,一手一腳自己搞,對呢個圈都好有貢獻。」容祖兒則說:「一個好尊重嘅前輩,對娛樂事業同電台非常有貢獻,好難過,希望佢家人節哀順變。」
主持商台節目《雲妮鍾情》的Vani坦言很佩服這位老人家:「佢雖然退休咁多年,但每星期請資深員工食飯,有次仲叫我一齊食飯。」少爺占說:「我𠵱家擁有事業同成就,都係何生帶畀我。」細So(蘇耀宗)和朱薰昨在節目《好出奇》點播《Try to Remember》表達對何佐芝的敬意。
採訪:皓騫

【壹錘定音】星期一至五,早上8點開咪!
http://hk.apple.nextmedia.com/livestream/channel/lishow

立即更新Android《蘋果動新聞》app
https://bitly.com/appledailyandroidapp

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載