蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年06月13日

分千萬身家 獨力養子女
黎瑞恩認離婚

一人有一個夢想,現年41歲黎瑞恩(小恩子)的夢想卻破滅了!02年嫁給金利來三少曾智明的她,婚後退出娛樂圈專心相夫教子,怎知今年初老公被爆在廣州包養小三,兩人傳陷婚變危機,一直封嘴的小恩子,終於親口承認搞離婚,現已進入司法程序,估計小恩子可分得千萬身家,她勇敢接受變單親媽媽的現實,獨力照顧兩子女長大成人!

相關新聞:感情路上:未能開花的兩段情

昔日寶麗金小花黎瑞恩憑《一人有一個夢想》唱紅,於02年與拍拖6年的曾憲梓幼子曾智明結婚,嫁入豪門的小恩子洗盡鉛華做好人妻角色,還為曾家誕下一子一女開枝散葉,怎知,現年47歲的曾智明卻入花叢,於年初傳出在廣州包養小三逾兩年,對方比小恩子年輕約20年,婚變傳聞發生後,小恩子深居簡出,2月現身撐好友劉小慧的電視節目時,隱晦說:「適當時候會有交代。」

帶子女去英國

終於,適當時候到了,小恩子日前接受本報電話訪問,提及離婚時說:「過咗去我唔提,我展望將來,有司法程序搞緊。」問以後有甚麼打算?她說:「冇問題,做番我正常要做嘅嘢,好好照顧兩個小朋友,等佢哋長大成人。」有指曾智明自誇每月給一百萬贍養費,估計兩人離婚後,小恩子會分得8位數身家,問小恩子是否有能力照顧兩子女?她說:「有,但未諗到咁遠。家姐今年升初中,好感觸,見佢細細個到𠵱家中一,點解時間過得咁快,等佢再大少少,兩、三年後就帶佢同細佬一齊去英國讀書。」
問離婚是否承受好大打擊?她無奈說:「我真係唔識答呢個問題,梗係有㗎啦!要發生嘅發生咗,每日都要咁過,點解要唔開心?咁咪開心啲囉。」對於有傳她戀上已婚免稅店隱形富豪鄭應南,被好友車婉婉唱衰令姊妹情決裂,小恩子沒好氣說:「如果咁樣,我有200幾個第三者,我有八成朋友都係男人,每同一個朋友食飯都係第三者,我冇嘢好講,唔好搞咁多嘢,好好哋開開心心生活,將來嘢唔知,𠵱家幾十歲,唔通仲鬱鬱不歡咩,我唔答咁多嘢啦。」

相關新聞:婚變之路:難捱的149天

義唱撐好姊妹

小恩子將全副精神照顧一對子女,無意復出,但就會義助好友個唱做嘉賓,本周日她才為草蜢演唱會任嘉賓,8月又將為唐韋琪的兒歌演唱會做嘉賓,她說:「我梗唔會復出,嗰晚同草蜢唱半首歌都攰到死,做乜都唔會馬虎,所以有少少壓力,我都驚俾人噓,佢啲女嘉賓陣容鼎盛,不過玩得好開心。」至於8月為唐韋琪兒歌演唱會跨刀,小恩子說:「我未入行已經識佢,之後大家入咗寶麗金,所以佢開聲話搵嘉賓,我話冇問題。」據知小恩子今次不收歌酬,有情有義,她說:「我話唔好畀我,有都捐咗去,冇乜所謂,我當幫朋友,大家都係家長,個個都結晒婚又有細路仔,佢寫嘅兒歌幾有意思,𠵱家啲兒歌唔知想寫乜。」
採訪:皓騫

【壹錘定音】星期一至五,早上8點開咪!
http://hammerout.hk

立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載