› 選擇地區
三藩市
紐約
洛杉磯
其他美國地區
香港 台灣 北美
 
2014年06月23日

明哥阿詩街站投票
「希望有真正普選」

【6.20-6.29投票】

和平佔中全民投票進行得如火如荼,演藝界人士連日自發呼籲投票,電子公投在大前日展開,實體投票則於昨日開始,兩種形式投票到29日止,黃耀明和何韻詩等歌影視代表昨日先後到街站投票。

相關新聞:張松枝「樂易易」被打壓

明哥和阿詩昨晚6時到港大票站,明哥投票後說:「我哋同64萬港人一樣,希望要有真正普選。」有指公投沒法律效力,阿詩說:「呢個係合法囉,係一個表達民意嘅平台。」明哥續說:「如果係非法,應該𠵱家嚟拉我囉。」

「微博應反省」

明哥和黃偉文(Wyman)的微博前日遭河蟹,阿詩說:「我同佢共同進退,可能我哋習慣post一啲敏感嘢就被河蟹,但噚日成個被封口,我就好嬲,覺得好唔啱。」明哥說:「微博都應反省,原意係畀全世界人去玩,佢咁樣扼殺全世界嘅人。」
講到白皮書問題,明哥說:「我冇一頁一頁咁睇,佢好似話畀港人聽一國係一制,佢鍾意㩒邊個掣就邊個掣,國家權力係由公民組成,唔明點解人民冇權力。」阿詩力斥:「衝擊港人生活價值。」到晚上阿詩挑戰微博,把明哥的投票相貼上微博,有網民即留言已舉報。

相關新聞:普選唱最後一擊

陸駿光被罵

而有份實體投票的還有港版半澤直樹陸駿光,他昨日到尖沙嘴票站投票後,步出票站遭惡男爆粗,對於被罵「fxxk you」,陸駿光EQ甚高:「佢只係表達意見,但唔需要講粗口囉。香港自由已被剝奪得越來越犀利,我想爭取真普選,而非小圈子689人投票。」對於張松枝微博昨被河蟹,陸駿光說:「預咗啦,微博向來都係受管制。」

港視藝人麥子樂、人妻歌手鄧芷茵、吳彤、新進導演雲翔和陳偉成及女友尹蓁晞等則分別到港九不同票站投票,雲翔在銅鑼灣票站處男投票後嘲政府死不認錯。此外,Wyman昨日在Instagram貼上準備登記電子投票的手機相兼留言:「今天只做一件事。」
採訪:盧妹、譚倩宜、卓寶花
攝影:陳俊強

【我撐公投】網頁:
http://622popvote.appledaily.com

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載