蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年06月25日

港視開台無期 食最後晚餐
黃美棋陸駿光擔心前景

港視最後一套劇集《大眾情性》正式煞科,黃美棋(前)坦言感到不捨,不知何時才會再合作。

港視最後一套劇集《大眾情性》前晚在深水埗舉行煞科宴,黃美棋、陸駿光、蔣祖曼、李雨陽以及一眾台前幕後工作人員均有出席,雖然港視因開台無期,更裁減了不少員工,不過他們並沒有抱怨,仍期待下次的合作機會。
剛剛在外地拍特輯回來的黃美棋,帶備了不少手信送給同事,她稱劇集已於5月初煞科,因為她與陸駿光要出外工作,所以煞科宴改期舉行,她說:「其實我仲有啲唔捨得,大家唔知幾時先可以再見面,相信暫時都唔會有開劇嘅機會,不過我哋都有再約見面。」對於發展前景,她說:「我都擔心㗎,𠵱家冇劇開,惟有努力接多啲job,收入暫時都冇問題。」

有劇拍都賺咗

「港版半澤」陸駿光亦說:「我都有啲擔心將來,不過冇問公司,我知道佢哋𠵱家都好忙,我相信天無絕人之路,順其自然喇,最多咪轉行。」他續說:「我𠵱家諗緊啲小生意,但係未知會點搞。」對於發牌的信心,他說:「都有信心,因為上次政府擔心呢個惡性競爭,𠵱家大家都搞三個,合符大家要求,一人讓一步,應該OK。」至於工作的安排,他說:「𠵱家未有實質安排,之前去旅行拍咗啲片,放咗上youtube,試吓做YouTuber,希望有啲航空公司同餐廳睇到,可以有贊助。」蔣祖曼表示不擔心劇集播映無期,她說:「我自己做咗可以做嘅嘢,我好鍾意做戲,如果有劇拍已經覺得賺咗。」
採訪、攝影:譚倩宜

【我撐公投】網頁:
http://622popvote.appledaily.com

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載