蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年07月15日

馮仁昭四圍超:招振強玩失蹤嗌離婚
吳茜薇申請法援 - 馮仁昭

當年喺劇集《城市故事》扮演蚊豬嘅吳茜薇,嫁《上海灘》監製招振強為妻後退出娛樂圈,生咗兩個女以為幸福美滿,原來吳茜薇卻被老公拋妻棄女,日前吳茜薇向本報記者哭訴:「離開咗呢行成20年,當時老公話唔想我做嘢,好好照顧細路仔同屋企。」
點知招振強轉投亞視後發展大不如前,後來仲要返內地搵食,結果兩公婆聚少離多出現問題:「佢去咗內地做嘢之後,好多時冇返嚟,我有兩個細路要照顧,冇辦法跟佢去內地做嘢,結果大家都想像到,家用越畀越少,佢成日話喺內地冇嘢做,用呢個藉口。」

講到兩個女就爆喊

其後招振強仲玩失蹤,對三母女不聞不問,吳茜薇話:「06年平安夜最後一次見佢,之後一直都聯絡唔到,喺兩年前突然收到佢律師信話同我離婚,我好徬徨唔知點算,惟有申請法律援助!好好一個家庭咁就冇咗,完全想像唔到佢一走了之唔負責任。」問係咪有第三者?吳茜薇話:「我諗都唔使我特別提,大家都想像到!咁耐我冇喊過,但講到女就忍唔到,傷害我唔緊要,但唔好傷害兩個女!」
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載