› 選擇地區
三藩市
紐約
洛杉磯
其他美國地區
香港 台灣 北美
 
2014年07月17日

粗口喪鬧 疑遭勒頸
可嵐受虐聲帶曝光

歌手可嵐自爆被老公尤子威家暴,昨日本報獲得可嵐慘被施虐的聲帶,有聲有真相!聲帶中的尤子威不停用粗口喪鬧可嵐,還有兩人兒子尤俊的哭聲,聞者心酸。

疑為錢銀爭執

尤子威在聲帶中連珠炮發爆粗:「你都戇XX,無X厘頭,你做咗啲鬼鬼祟祟、傷害人,我走去做生意,我傾啲嘢,你走嚟發脾氣,話唔預你冇你份……唔好乜都賴落我度,成日講我唔預你,你有乜input先得㗎?淨係識得要嬲、對抗,話人排斥你,排乜Q啫,我點樣排斥你啫?你講呀。」
接着發生扯被聲,可嵐大嗌:「唔好咁樣扯啲被,喂!你唔好咁樣咁冇禮貌喎,我瞓緊覺喎!」尤子威罵:「同你一齊都嘥X氣!」可嵐慘叫:「喂,唔好再扯我啲嘢呀唔該你,你整損我條頸呀!」尤子威發晦氣說:「你告X我囉,打3條9囉,你最X興啦!」可嵐哀求:「你可唔可以唔好郁手呀?你點樣扯張被,𠵱家勒住我條頸呀?如果唔係,條頸呢度點會損咗呀?咁你唔可以唔郁手咩?人哋喺度冚住張被,點解你一定要抆走人哋張被啫?點解你一定要咁霸道唔畀人冚被啫?」尤子威大聲說:「告X我囉打電話,講講講,你最X叻啦,拉X我坐監囉,正X街!」

家暴聲帶構想圖

再爆強逼墮胎

原來可嵐除被家暴外,昨再爆遭老公逼墮胎,她接受本報電話訪問說:「我有咗6周身孕,佢叫我落咗去,話冇錢養冇人理。自己係基督徒,唔想唔要,教友都鬧我,但男人係家中阿頭都唔要,生咗冇幸福!做完手術我好傷心,一個生命!」問點解夫妻關係惡劣仍懷孕?她難過說:「佢話娶老婆返嚟係畀佢搞,唔畀佢搞一係娶第二個老婆,一係叫雞!之前佢個小三仲打電話畀我,問我知唔知老公去咗邊?話佢哋喺深圳酒店乜咗幾次,我好難受,簡直無地自容,喪喊!」
採訪:皓鶱

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載