› 選擇地區
三藩市
紐約
洛杉磯
其他美國地區
香港 台灣 北美
 
2014年07月18日

為家中寶貝花心思
千嬅掃童裝 彭羚買靚牛

【銅鑼灣】
千嬅百忙中為囝囝揀合適的新衫褲。

彭羚和楊千嬅這兩位樂壇天后先後結婚生仔,婚後當全職媽媽的彭羚與在職媽媽千嬅,兩者似乎差別不大,目的都是將最好給家中寶貝。日前彭羚與細女林清齊齊現身大坑,她們所乘坐的七人車到了一間專買上等牛肉的專門店,見到彭羚單拖走入舖頭,其間與店員研究一番,相信是為晚餐作好準備,大約過了二十分鐘才坐車離去!

為性感MV解畫

與此同時,千嬅日前亦單拖現身銅鑼灣利園Bape Kids,見到她專注地為囝囝Torres揀選短褲仔,又拿着有飲管的水杯研究,最後買了兩大袋戰利品離去。
此外,千嬅昨日在尖沙嘴出席新歌《色惑》的MV首播禮,今次MV性感形象引來不少迴響,千嬅笑言:「之前試過着得仲少啦,我只係諗住要fit先着,冇諗其他角度。丁生(丁子高)話識我咁耐未見過我咁着,不過喺屋企唔會咁着,太貴買唔起。」她又謂拍性感MV會令人覺得她專業,將來有利幫囝囝找學校。至於囝囝有否看過她MV內似貓女郎的造型?她笑言:「佢覺得我似米奇老鼠,不過佢唔鍾意,因為知我着得靚即係做嘢。」
採訪:文國駿、畢紹基
攝影:楊浩賢、梁繼光

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載