› 選擇地區
三藩市
紐約
洛杉磯
其他美國地區
香港 台灣 北美
 
2014年07月18日

攞正牌性感殺入書展
黃榕風騷彈𡃁模

【香港書展2O14之寫真內鬥】書展第二日,輪到黃榕(榕姨)出場,昨日她夥拍Donut其中兩位成員Elke跟Elise以交換寫真為名,在場內名正言順宣傳。榕姨穿上低胸露腰衫加熱褲,跟以透視衫露黑bra的Elise非常合襯。被問到性感打扮都可以入場,榕姨自言領正牌沒有偷雞成份,她說:「冇人趕,安全入場。」她又透露選擇跟Donut互換寫真,是因為對方性感得來健康,她說:「大家都有世界盃題材,本書仲加埋學咗8個月嘅鋼管舞同Hip Hop,唔似人哋啲題材咁悶,唔係陽光海灘就係酒店房。」她又說:「𠵱家啲𡃁模名都叫唔出,個胸又唔自然。」
榕姨表示下星期會安排表演鋼管舞,一洗日前和朱主席跳舞污名:「唔熟bomba舞,嗰次冇音樂,俾人笑,又有唔愉快事。上次冇音樂俾佢掂到時我都『嘩』一聲叫咗出嚟,今次要省招牌。」更聲言下次會着三角褲跟bra top跳舞。

另外,Elise直言要挑戰性感底線,寫真集內只用世盃打氣巾遮着兩點。但轉頭她們又表示要走清純路線,Elise說:「好多人好似小丑咁,又似歡樂滿東華,影響模特兒界,我哋走清純路線。」Elise透露剛剛放榜成績有26分,可算不俗。

Mei Ling寫UFO

網上電台DJ出身的Mei Ling(董寶醟),今年將會推出首本科幻小說《我在飛碟過了一夜》,談到今次的題材頗為冷門,日前她在電話接受訪問說:「可能同我個工作有關,我本身係主持UFO同外星人嘅節目,加上我又有見過UFO嘅經驗,喺09年見過4,5次,開頭唔係好信,不過見多幾次就冇質疑自己!」
採訪:林嘉慈
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載