蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年07月29日
馬上成為壹會員

羅霖含淚爆遭家暴
劉坤銘嘲博宣傳

羅霖下月踏入49歲,去年她與前仁濟主席劉坤銘結束16年婚姻,一直有傳她曾被家暴,昨日她在九龍灣出席有份投資的醫療中心開幕時,首次開腔承認曾遭家暴,羅霖眼紅聲震說:「我啱啱同小朋友喺新加坡返嚟,我都嘗試同前夫做番朋友同打招呼,但佢都冇乜理睬。」

相關新聞:娛圈家暴:連累小朋友

「發生過一次」

之後羅霖含着淚水爆料:「呢兩年我最困擾係有幾個人誹謗我,用手法誤導小朋友心理,我要講其實真正原因係家暴,發生喺我身上,發生過一次。」羅霖謂不想嚇倒小朋友,所以沒有報警,她說:「佢哋喺房裏衝出嚟問,我只係話普通嗌交。」
事後本報記者致電羅霖,她透露家暴約兩年半前發生,但不想形容當時情形,問有否受傷?她說:「唔係好犀利,我冇還手,因為都唔識反應,之後我提出分居。我都唔想小朋友介入咁複雜嘅情緒入面,希望佢哋乜都唔知,只係知道爹哋、媽咪性格唔啱。」家暴事件後心情如何?她說:「平復咗好耐,我都唔記仇。」
至於劉坤銘昨接受本報訪問時,五次嘲諷前妻用家暴做宣傳,他不屑說:「呢個係一個宣傳,攞呢樣嚟做一個宣傳,我諗我冇需要答,婚姻已經係完咗,我唔想再答佢有關宣傳嘅嘢。」會否想澄清?他說:「佢實際上講咗好多唔同嘅嘢,根本都唔需要澄清。」分居後再見不是朋友?他說:「我哋實際上係維持一個關係,佢係三個細路仔嘅媽咪,我係三個細路仔嘅嗲哋。」

相關新聞:越揭越臭:夫妻互數

「佢不過翻炒」

對於前妻指一直被攻擊,覺得是暗示你嗎?劉坤銘說:「如果我要講佢嘅嘢,就唔會咁樣啦!已經過咗咁長時間,佢只不過係要嚟翻炒,要嚟做宣傳。」會否因金錢問題導致現時關係破裂?他說:「所有嘢都已經解決咗,好多嘢喺文件上已經澄清晒。」擔心小朋友問起家暴事件嗎?他說:「實際上如果呢件事過咗咁耐,佢唔想影響小朋友嘅,佢應該唔講,唯一嘅理由係佢用嚟宣傳。」
採訪、攝影:羅慧敏、藍文浩

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載