› 選擇地區
三藩市
紐約
洛杉磯
其他美國地區
香港 台灣 北美
 
2014年08月02日

插爆周子揚冇風度
趙哲妤寸傲兒媾失匙夾萬

何傲兒日前被本報踢爆跟西貢地王之子周子揚拍拖,令她與76歲林建名的爺孫戀劃上句號。其後即爆出趙哲妤指傲兒搶她男友,周子揚為護新歡,斥趙哲妤「冇資格講我同傲兒」。昨日何傲兒與周子揚公開拍拖後首度一起出席活動,趙哲妤則在另一活動上發功數臭周子揚。
趙哲妤昨在新蒲崗出席有線《為食情報局》活動時,談到周子揚時眼濕濕說:「我覺得好委屈,我同佢(周)係朋友,記者問我,我維護佢,我同佢係冇可能發展,但佢咁講好狠心,唔理我形象,對佢好失望。我冇話Lily(何傲兒)搶我男友,係好醜陋嘅誤會,佢(周)好唔gentle。」是否跟周子揚反面?趙哲妤說:「我諗過唔好聯絡,但噚日佢打畀我,話佢維護Lily感受先至咁講。」
對於有傳何傲兒貪錢,趙哲妤寸爆說:「如果佢貪錢就唔揀周子揚啦!」言下之意是否指周子揚冇錢?趙哲妤句句有骨謂:「屋企人有錢,唔代表畀個仔養女友。本來係慶祝我簽約做主持,點知周子揚送份大禮畀我!」

林建名出埠散心

何傲兒昨與周子揚到將軍澳出席活動,記者邀合照時二人均尷尷尬尬,又不肯一起受訪問。問到拍拖多久,何傲兒說:「好短時間,需要冷靜一下。」言語間戀情似有暗湧。記者追問二人冷戰還是分手?何傲兒幾經追問下始說:「我哋係拍拖了解中,感情係兩個人嘅事,希望有多啲空間。」
林建名大前晚偕新女睇騷似向傲兒示威,昨日他更與孻女林煒珽及胡渭康等出埠旅行,難道為免何傲兒跟周子揚大晒恩愛而眼冤要出埠散心?何傲兒聞言說:「絕對唔係,我喺演唱會或者馬會見到佢,佢身邊都有靚女。」周子揚亦表示希望把感情事低調,又指雙方已見過家長。
採訪:王連連
攝影:陳志嵐

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載