› 選擇地區
三藩市
紐約
洛杉磯
其他美國地區
香港 台灣 北美
 
2014年08月02日

兩姊妹鬥性感
周家怡豪晒三點式

佘詩曼同周家怡係好姊妹,而好姊妹通常都唔知點解好似心有靈犀咁做埋同一件事。昨日阿佘同周家怡就不約而同咁曬泳照,但係一個玩神秘、一個就好疏爽。

阿佘昨日喺微博貼咗張泳照,仲話「What a nice day」。不過重點並唔係身材,而係近乎零缺點嘅白滑素顏,好多網民都讚佢靚:「女神就是女神,不老的顏!」、「敢曬素顏的就是美女..阿佘美!氣質佳!」雖然佢冇話自己喺邊,不過睇番玻璃倒影,應該就係去咗遊船河啦!

而好姊妹周家怡就去咗曼谷旅行,佢嗰張泳照就疏爽好多啦!大半身三點式,WOW…雖然唔係非常「胸湧」,不過都好有睇頭㗎!仲有少少水珠喺身,好誘惑呀!

原來周家怡呢張泳照係找數,佢喺微博話:「天公對我真好,一直忍着不下雨,直到我游泳完,上到房間後突然聽到狂風暴雨的聲音,開窗簾一看,真的很大很大雨啊!感謝上天給我時間做運動!還有,欠大家的泳衣照也奉上了。」相信大家都好鼓勵你多啲運動!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載