› 選擇地區
三藩市
紐約
洛杉磯
其他美國地區
香港 台灣 北美
 
2014年08月07日

與發哥激咀冇顧忌
嘉玲獨拒偉仔吻

劉嘉玲昨日以一條紅色大露背的長裙,佩戴太陽花形狀的鑽飾出席活動。

劉嘉玲昨日以一條紅色大露背的長裙,佩戴太陽花形狀的鑽飾,出席周大福和FOREVERMARK在中環舉行的活動,她謂學習太陽花的熱情態度來面對人生,要有堅毅不屈的精神。
曾經與周潤發在電影《英雄好漢》、《我愛扭紋柴》中飾演一對的劉嘉玲,今次在電影《賭城風雲2》再續前緣,日前她與發哥在泰國拍攝《賭城2》外景時,與發哥更有激吻場面,她說:「拍晒喇,唔係好大膽,小兒科,我唔知仲有冇,想叫劉偉強安排多啲!」

發嫂在場未感尷尬

嘉玲稱發嫂當時亦有在場,不過她未有感尷尬:「唔會,做戲啫,呢啲戲反而唔可以同太熟嘅人做,我同梁生(梁朝偉)就做唔到,真係會好尷尬。」事實上嘉玲與偉仔未拍拖,曾在劇集《鹿鼎記》中飾演夫婦,直到拍拖後,兩人在《東邪西毒》中飾演夫婦,不過當時嘉玲寧願與馬親熱,都不願與偉仔,可見嘉玲真的怕尷尬。

後來,嘉玲亦稱今次與發哥合作很開心,她說:「我哋好開心愉快過咗嗰一個禮拜,傾咗好多往事,講好多未來嘅嘢,佢話我哋要多啲合作!」她大讚發哥有巨星風範,她笑說:「佢好nice,個個都有影自拍合照,令到我身邊啲探班朋友個個冧晒,可能佢哋詐詐帝帝去陪我,其實搵佢!」 她還稱有向發哥請教養生之道,她說:「佢哋夜晚食得好清淡,我向住呢個方向努力,但係我哋有約行山!」另外,談到主演的舞台劇《杜老誌》加場,嘉玲說:「體力真係好辛苦,不過嗰種滿足感大,係一個好刺激嘅工作,就算對白一樣,都希望每一場都有唔同嘅演繹。」
採訪:王連連
攝影:沈建程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載