蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年08月08日

落選膠面港姐擔正被狂插 鼻窿大細邊

有時「變臉」係為咗更省鏡,但亦都有好多例子,係「變」完之後仲衰過之前,咁,就真係慘慘豬兼令人嬲嬲豬喇。

最近喺公仔箱又見到個「變臉」嚴重失敗嘅個案,2011年落選港姐劉思希,無端端成為監製嘅寵兒,又無端端可以擔正,戲份仲唔少。但係呢,喺高清之下,螢光幕前膠面相當外礙眼,特別係個鼻,一邊鼻窿大一邊鼻窿細,加上啲劇差,引起網民高度關注。

搵番劉思希一張舊照,以前仲係學生妹嘅佢,係單眼皮,有一個準頭有肉嘅豬膽鼻,望落去相當順眼自然,真係唔知為乜要走去變靚啲,昨日有報道指劉思希光顧上海一間整容醫院,真係「靚晒」

澳門長大,自細就發夢做明星,美國林肯大學讀完行政管理碩士之後,就參加不同選美想踩入娛樂圈,加上屋企有錢,阿媽又識得人多,仲同大台珍姐監製好熟,所以機會不停有。

可惜劉思希嘅膠面太嚇人,有不少人見到都忍唔住問佢邊位,仲激到即刻熄電視或者轉台。有內地網民直頭話:「我想爆粗口。整部電視劇因為有你。讓我倒胃口……實在受不了你了,去百度搜了下你,嚇我一大跳。你是2011港姐叫劉思希。我 …香港是不是沒女的了?」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載