› 選擇地區
三藩市
紐約
洛杉磯
其他美國地區
香港 台灣 北美
 
2014年08月12日

「帶畀市民驚慌」
Amy為淫片鞠躬道歉

組合AD2露暈女成員Amy早前流出淫片,令讀者和網民感到不安。前晚她在九龍塘出席冥婚時裝騷時,向全港市民鞠躬道歉,她說:「對帶畀香港市民驚慌同恐慌,我向大家講聲對唔住。」
Amy首度開腔談及淫片,至於網上有指Amy是自導自演,她未有正面回應,只說:「對於其他人嘅評論,我唔可以控制到佢哋嘅諗法,我亦都唔會去理我只會對我家人和朋友作出交代,其他人點睇由得佢哋囉!」

男友精神受傷害

Amy表示未有報警,但件事已交予律師處理,稍後再有公佈。不過,當Amy被問到交予律師處理,是否要告男友或有其他目的時,她說:「𠵱家唔方便講,遲啲等佢公佈,因為所有嘢都未落實。」之後Amy又表示決定不追究,她透露已原諒為她拍過無數不雅照片及淫片的男友,她說:「佢都好唔開心,佢精神上受到好大傷害,相信每個人都試過唔小心做錯事,自己會正面去面對。」

夏蕙BB同情Amy

同場的黃夏蕙,早前曾為自己搞葬禮,她又百無禁忌出席冥婚活動,對於Amy流出淫片,夏蕙BB視作等閒,並笑說:「同男朋友開心,影吓相實有嘅,點知會俾人拎出嚟,對佢唔公道。」她認為Amy是受害人。
採訪:黃曉妍
攝影:陳順禎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載