› 選擇地區
三藩市
紐約
洛杉磯
其他美國地區
香港 台灣 北美
 
2014年08月12日

自攜反光板影靚啲
蕭芳芳幫憶蓮劈友

芳芳姐自嘲沒有事業線,所以要自備反光板影相。

蕭芳芳昨日以護苗基金會會長身份舉行「道謝愛心記者會」,答謝林憶蓮、那英、張惠妹及蔡健雅四位將演唱會收益捐獻給其基金,並於記招上逐一答謝她們。
以神秘嘉賓身份到場的憶蓮,甫出場即跟芳芳姐抱抱,豈料因憶蓮的上衣太鬆身,故不慎走光露出白色喱士bra。已有好一陣子沒見傳媒的芳芳姐,記招上大發笑彈,先是拍照時拿出反光板說:「影得我風韻猶存啲,因為我冇事業線,所以要咁樣編輯先會出我張相。」之後芳芳姐又表示今個記者會是為憶蓮「劈友」,她說:「今日我係要幫憶蓮劈友,個演唱會賣到7、8成嗰陣啲人就話冇晒飛,所以我要幫佢劈友,𠵱家係仲有飛賣。」在旁的憶蓮聞言即笑不攏嘴,她為芳芳姐解釋說:「係闢謠,因為普通話發音同劈友好似。」

聲言愛上憶蓮

由於芳芳姐聽力不佳,故記者會上憶蓮不時為她充當傳譯員,芳芳姐則大讚憶蓮愛心爆棚:「今次合作真係開心到癲咗,我幾十年前睇過憶蓮嘅演唱會,當時佢仲係少女,而我仲未聾,當時已經覺得佢好用心,到之前同佢零距離接觸,我簡直愛上佢!佢係個好勤力好細心嘅人,抵佢喺樂壇咁紅企得咁硬!」
至於問到芳芳姐會否為演唱會擔任特別嘉賓?她則表示因為耳疾問題而不能擔任:「因為我耳仔問題,太嘈嘅地方會耳鳴,做完呢個記者會返去都要唞幾日先得。」
採訪:譚倩宜
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載