› 選擇地區
三藩市
紐約
洛杉磯
其他美國地區
香港 台灣 北美
 
2014年08月12日

唔止迪士尼  翁靜晶海洋公園遇強國惡客

翁靜晶日前同家人暢遊香港迪士尼樂園,點知遇到內地人打櫼(音:尖),同埋影咗好多滿地垃圾相片,翁靜晶受訪時聲言,以後唔會再去迪士尼。

其實除咗去迪士尼遇到呢啲情況外,翁靜晶早前去海洋公園時,都遇到類似情況,佢形容嗰次為「災難性」,翁靜晶受訪時表示:「上次海洋公園嗰次,我都已經包容得好犀利,嗰個人搶住嚟排隊,後來我仲幫佢畀埋錢,嗰單嘢擺上fb。」

翁靜晶續說:「因為嗰次有位女士帶住細路哥,去買雪糕又係唔排隊,喺前面搶入嚟買,咁我哋就話,其實條龍喺嗰度,叫咗佢去排啦,佢就好唔滿意,點解佢會咁嬲呢?因為我個女揀雪糕揀得慢,你知有好多種唔同味,咁要問多兩句,咁佢就鬧個店員,用普通話鬧佢點解唔畀已決定好嘅人買先呢?而你(指店員)又唔收咗我(女士)錢先呢?」

翁靜晶再說:「嗰個店員其實都唔係好理佢,後來我哋快趣買完唔好阻住人啦,買完後就行開一邊食雪糕,點知佢攞咗一千元出嚟找數,但個雪糕十零蚊,個店員指住個牌講明一千元唔收,唔收佢錢,咁唔收佢錢當然就擾攘,人哋就唔制啦,個店員都犀利,叫個細路哥畀返個雪糕佢,喺細路哥手上攞返個雪糕,咁就掉咗啦,因為個雪糕溶緊。」

翁再表示:「見到細路哥個樣好失落,咁唔關佢事,於是我過去話不如咁啦,我幫你畀請你食啦,我咁樣講咗,財大氣粗嗰班人,佢哋其實都諗辦法攞散紙,但攞唔到,但態度好好,話唔好意思,我話唔緊要啦,大家都係中國人,佢哋好笑容可掬、好和藹可親,搶住惡到不得了嘅態度冇晒,喺嗰刻個感覺係,你好我好,其實佢哋都唔係咁差,佢哋本性都係善良,之不過佢哋嘅表現,係唔明白咁樣係乞人憎,但要有人話畀佢哋聽,咁樣係乞人憎先得,其實唔係教唔到0架,但要有方法教,政府官員就咁行出嚟一句叫『包容』,好似唔係太好,對大家係冇益。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載